sorğu
Azərbaycan Respublikasının Ailə, Qadın və Uşaq Problemləri üzrə Dövlət Komitəsi, Azərbaycan Respublikasının iqtisadiyyat Nazirliyi və Azərbaycan Respublikası Sahibkarlar (işəgötürənlər) Milli Konfederasiyasının birgə təşkilatçılığı ilə “Qadın sahibkarlığının inkişafı: problemlər və perspektivlər” mövzusunda beynəlxalq konfrans keçirilib. Bu bərədə məlumatı Binqədi rayon M.ə.Rəsulzadə bələdiyyəsinin sədri yayıb.
Dövlət qurumlarının rəhbər şəxslərin, nüfuzlu qonaqların, eləcə də Rusiya Federasiyası, Türkiyə, Özbəkistan, Tacikistan, Qırğızıstan, əfqanıstan, Belarusiya, Rumıniya, isveç, Mərakeş Krallığı və Cənubi Koreyadan yüksək səviyyəli nümayəndələrin iştirak etdiyi konfransın keçirilməsində məqsəd qadınların sahibkarlıq fəaliyyətini artırmaq, onların hüquqların qorunması və layiqli əməyin təmin olunması, müasir dövrün və əmək bazarının tələblərindən irəli gələn istiqamətlər üzrə maarifləndirici layihələrin keçirilməsi sahəsində əməkdaşlıq etmək və perspektivlərin müəyyən edilməsidir.
“Maarifləndirmə qadınların iqtisadi asılılığının aradan qaldırılmasında, mövcud stereotiplərin ləğvində əsas amil kimi” mövzusundakı III sessiyada Azərbaycan Azərbaycan Qəsəbə Bələdiyyələrinin Milli Assosiasiyasının sədri, M.ə.Rəsulzadə bələdiyyəsinin sədri Hümbət Hüseynov və bələdiyyə üzvləri iştirak edib. Hümbət Hüseynov çıxış edərək, həm öz təcrübələrini bölüşüb, həm də öz təkliflərini diqqətə çatdırıb.
Belediyye.info
