sorğu
Astara bələdiyyəsinin sədri Aygül Məmmədovanın Belediyye.infoya açıqlamasında bildirilir ki, “şimal-Cənub” Beynəlxalq Nəqliyyat Dəhlizi çərçivəsində Astaranın üç bələdiyyəsinin ərazisində xüsusi mülkiyyətdə olan torpaqların boşaldılmasına başlanılacaq. Hazırda siyahı dəqiqləşdirilir. Astara bələdiyyəsinin ərazisində 17 ev, 1 ikimərtəbəli bina söküntü ərazisinə düşür. Bununla yanaşı 113 nəfərə aid pay torpağı, 15 kanal ərazisi, habelə Astara bələdiyyəsinə aid əkin sahəsi, meşə zolağı dəmir yolu xəttinin çəkiləcəyi əraziyə düşür. Hazırda Astaranın üç bələdiyyəsi icra nümayəndəlikləri ilə birgə dəqiqləşdirmələr aparırlar. Bələdiyyələr hazırda pay torpaqlarının sahiblərini tapmaqla bərabər torpaqla bağlı aktların alınmasını həyata keçirirlər. Sədrin sözlərinə görə, bununla bağlı inanırıq ki, alqı-satqı əməliyyatları nəticəsində bələdiyyə büdcəsinə kifayət qədər vəsait daxil ola bilər.
Xatırladaq ki, “şimal-Cənub” Beynəlxalq Nəqliyyat Dəhlizi şimali Avropanı Cənub-şərqi Asiya ilə birləşdirəcək. Proqnozlar göstərir ki, tam gücü ilə fəaliyyət göstərəcəyi təqdirdə “şimal-Cənub” Beynəlxalq Nəqliyyat Dəhlizi Avropa ölkələrinin, Rusiyanın, Orta Asiya və Qafqaz regionlarının iran körfəzi və Hindistana çıxışına, Xəzəryanı ölkələrin Qara dəniz limanları ilə ticarət əlaqələrinin intensivləşdirilməsinə şərait yaradacaqdır.
Belediyye.info
