Bu gün Milli Məclisin Regional Məsələlər Komitəsinin üzvü Azər Camal oğlu Badamovun 50 yaşı tamam olur.
Azər Badamov 18 avqust 1968-ci ildə Qusar rayonunun Düztahir kəndində ziyalı ailəsində anadan olub.
1985-ci ildə Bakı şəhəri 5 saylı kimya təmayüllü orta məktəbini bitirdikdən sonra D.Bünyadzadə adına Azərbaycan Xalq Təsərrüfatı institutuna daxil olub.
iki il ordu sıralarında xidmət etmiş, 1992-ci ildə Azərbaycan Texnologiya institutunu bitirib.
1988-2009-cu illər ərzində “Azərittifaq”ın tikinti briqadasında fəhlə, şəhər mərkəzi xəstəxanasında mühasib-müfəttiş, DSMF rayon şöbəsində birinci dərəcəli müfəttiş, “şahdağ” firmasında iqtisadçı vəzifələrində işləmiş, sahibkarlıq fəaliyyətilə məşğul olmuş, 2009-2010-cu illərdə Qusar Rayon Telekommunikasiya Qovşağının rəisi vəzifəsində işləmişdir.
Azər Badamov 2010-2015 ci illərdə parlament seçkilərində 51 saylı Qusar Seçki Dairəsindən millət vəkili seçilmişdir.
***
Belediyye.infonun yaxın dostu olan Azər Badamova ən böyük arzumuz bələdiyyə sisteminin inkişafına öz töhvəsini daha geniş və məzmunlu şəkildə davam etdirməsini arzulamaqdır.
Belediyye.info