sorğu
“Bələdiyyəmiz ciddi şəkildə payız - qış mövsümünə hazırlaşır”-bu fikirləri Belediyye.info saytına Sabunçu rayonu Balaxanı bələdiyyəsinin sədri Vüsalə Səlimova bildirib.
Sədrin sözlərinə görə, cari ildə 15 nəfər aztəmintalı, tənha və ahıl qəsəbə sakini mənzillərinin dam örtüyünün dəyişdirilməsiylə bağlı bələdiyyəyə müaraciət edib. Bələdiyyə icasının qərarıyla hələlik üç qəsəbə sakininin dam örtüyü dəyişdirilib. Dam örtüyünün dəyişdirilməsinə bir min manat yaxın vəsait xərcləndiyini deyən sədrin fikrincə, maliyyə vəsaiti daxil olduqca qəsəbə sakinlərinin qarşılaşdığı problemlərin həllinə tezliklə nail olacağıq.
Doqquz ay ərzində 50 min manata yaxın vəsait toplandığı deyən sədr ərazidə 8167 təsərrüfatın olduğunu bildirdi. Bu mənzillərin demək olar 50 % -dək hissəsinin sənədi yoxdur. Təəssüflə qeyd edilməlidir ki, bu mənzillər mədən ərazilərində olduğundan onların sənədləşdirlməsi də hələ ki mümkün deyildir.
Hazırda bələdiyyədə çalışan dörd vergi müfəttişi bildirişləri paylamaqla yanaşı, əhalı arasında maarifləndirmə işləri də aparır.
Belediyye.info
