sorğu
Azərbaycan Respublikasında hazırda zəngin qanunvericilik bazasına əsaslanan yerli özünüidarəetmə sistemi formalaşmış, vətəndaş təşəbbüskarlığı üçün əlverişli şərait yaradılmışdır. Azərbaycan Respublikası Konstitusiya maddələrində bələdiyyələrin müstəqil fəaliyyətinin iqtisadi, siyasi və hüquqi təminatları təsbit olunmuşdur ki, bu da bələdiyyələrin formal qurum deyil, geniş imkanlara malik idarəetmə orqanı kimi fəaliyyətinə mühüm əsaslar yaratmışdır. Bələdiyyələr də artıq ölkəmizin sosial-iqtisadi və mədəni həyatında öz töhfələrini verməkdədirlər.
ərçivan bələdiyyəsi 2016-cı ildə qəsəbəmizin sosial- iqtisadi inkişafı sahəsində bir sıra işlər görmüş və bu sahədəki fəaliyyıtini bu gün də davam etdirir. ilin əvvəlindən qəsəbədə fermer təsərrüfatlarına gedən əsas yollar, “Nüyədi”, “Nimçi” və “Bağ” məhəllə yolunun bir hissəsi, “ərçivan bicar” məhəlləsi isə dairəvi istiqamətdə qum – çınqıl qatı səpilərək təmir edilmişdir. Astara –Bakı maqistral yolunun cənub tərəfdən girişində, yolun sağ-sol tərəfində 700 metrə qədər ərazidə yol boyu salınmış parkda bəzək ağaclarına qulluq və həmçinin onların qorunub saxlanılması işi təşkil edilmişdir.
Ölkə başçısının tövsiyyə və tapşırıqlarına uyğun olaraq 2016-cı ildə bütün ölkədə olduğu kimi qəsəbəmizdə də uzun illərdən bəri əkilməyən pay torpaqlarının böyük bir hissəsi yenidən əkin dövriyyəsinə salınmış və uğurlu nəticələr əldə olunmuşdur. Sözsüz ki, əkin sahələrinin uzun illər boş qalması böyük fəsadlar törətmişdir. Belə ki, əkilməyən pay torpaqları müəyyən insanlar tərəfindən uzun illər örüş yeri kimi istifadə olunduğundan, sahələrə gedən su ötürücü kanalların istiqamətləri dəyişdirilmişdir. Bütün bu problemlərin həlli istiqamətində bələdiyyəmiz tərəfindən təxirəsalınmaz tədbirlər görülmüş və bu sahədə olan nöqsanlar aradan qaldırılmışdır.
Hesabat dövründə 1941-1945 –ci il Böyük Vətən Müharibəsi iştirakçılarının şərəfinə ucaldılmış abidə kompleksi təmir olunmuş , “ Yanar Bulaq “ kompleksində əsaslı təmir işləri aparılmışdır.
ərçivan bələdiyyəsi öz işini bir mənalı olaraq vətəndaşların tələb və təkliflərinə uyğun qurmağa çalışır, qəsəbənin bütün sosial problemlərinin həllinə yaxından qayğı göstərir. Bələdiyyə büdcəsi hesabına şəhid ailələri, Böyük vətən və Qarabağ müharibəsi iştirakçılarına, imkansız ailələrə kömək və yardım göstərilməsi həmişə diqqət mərkəzində olmuşdur.
2016 - cı ildə xərclənmiş büdcə vəsaitlərinin 6030 manatı şəhid ailələrinə, Böyük Vətən və Qarabağ müharibəsi iştirakçılarına, əlillərə,xəstələrə, imkansızlara və yardıma ehtiyacı olan vətəndaşlara, eyni zamanda dəfn və yas mərasiminin keçirilməsinə sərf olunmuş, 964 manatı abadlığa, Dövlət reyestrindən çıxarışların və texniki passportların alınmasına 4708 manat, torpaq müayinə sənədlərinin hazırlanması üçün kadastr idarəsinə 846 manat xərclənmişdir.
Bələdiyyəmiz həftədə bir dəfədən az olmayaraq bələdiyyə üzvləri və qulluqçularının iştirakı ilə ərçivan qəsəbəsinin ərazisində iməciliklər keçirir, tikinti-təmir,abadlıq, yaşıllaşdırma, ekoloji təmizlik işləri aparır. ərçivan bələdiyyəsi qarşıya qoyulan yenidənqurma, abadlıq, yaşıllaşdırma və quruculuq işlərinin yerinə yetirilməsi üçün bələdiyyənin maliyyə imkanlarını artırmağa çalışır. Amma bu sahədə hələ də çoxlu problemlərlə rastlaşırıq.
ərçivan bələdiyyəsinin büdcəsinə 2016-cı ildə 36255 manat vəsait daxil olmuşdur. Daxil olmuş vəsaitin 5410 manatı fiziki şəxslərin torpaq vergisindən, 5416 manat torpaq icarə haqqlarından, 2620 manat dövlət tərəfindən ayrılan dotasiyadan, 22989 manatı torpaq satışından daxil olma təşkil edir. Göründüyü kimi büdcə gəlirlərinin əsas hissəsini , yəni 63,4 faizini bələdiyyə mülkiyyətində olan torpaq sahələrinin özgəninkiləşdirilməsindən, 29 faizini isə vergi və ödənişlərdən daxilolmalar təşkil edir. Fiziki şəxslərin əmlak vergisi və digər ödənişlərin yığılması isə mümkün olmamışdır. Bununla belə bələdiyyəmiz Milli Assosiasiyanın metodiki dəstəyi ilə Yerli (Bələdiyyə) Vergi və Ödənişlərin Avtomatlaşdırılmış Məlumat Sisteminə (BAMS) qoşulmuş, vergi ödəyicilərinin sistemə daxil edilməsinə başlamışıq. Artıq 413 vergi ödəyicisi və vergitutma obyektləri barədə məlumatlar sistemə daxil edilmiş və bu proses davam etməkdədir. ilkin mərhələdə proqrama vegilərin hesablanması, gəlir və xərclərlə bağlı məlumatların daxil edilməsi prosesində müəyyən çətinliklərlə rastlaşsaq da sonralar Milli Assosiasiyanın əməkdaşlarının köməkliyi ilə bu çətinliklər aradan qaldırılmış və hal-hazırda proqramın uğurla istifadəsi davam edir. Proqramda əməliyyat proseslərini daha mükəmməl öyrənmək üçün təklif edərdim ki, Milli Assosiasiya tərəfindən Proqramla işləyən mütəxəssislər və mühasiblər üçün ixtsasartırma kursları formasında zona seminarları təşkil olunsun. Bu ümumi işin xeyrinə olmaqla BAMS proqramının tətbiqinin səmərəliliyini dəfələrlə artırmış olacaq.
ərçivan qəsəbəsində uzun illərdən bəri, yəni 2002-ci ildən başlayan torpaq islahatı başa çatmış və pay torpaqlarının mülkiyyət hüququna dair dövlət aktları müvafiq icra strukturu tərəfindən vətəndaşlara paylanılmışdır. Lakin torpaqların vətəndaşlara naturada, yerquruluşu formasında təhkim edilməsi işi hələ də öz həllini tamamilə tapmamışdır. Məsələ ilə əlaqadar bələdiyyəmiz tərəfindən Yerquruluşu Lahiyə inistitutuna müraciət edilmişdir. Cavabında isə bizə bildirdilər ki vətəndaşlar fərdi qaydada müraciət etməlidirlər və xidmətə görə ödəniş olunmalıdır. Açığını deyim ki, bu cür maneələr bizim işimizə mənfi təsir göstərir. Milli Assosiasiyanın rəhbərliyindən və burada iştirak edən dövlət orqanlarının nümayəndələrindən xahiş edirəm ki, qeyd olunan məsələnin həllində bizə yardımçı olsunlar.
Bələdiyyə idarəçiliyi çətin, lakin şərəfli bir işdir. Çətindir, çünki əhalinin tələblərini tam yerinə yetirmək üçün vəsait çatışmamazlğı kimi böyük problemlər mövcuddur. Amma büdcə gəlirlərimizin artırılması istiqamətində Milli Assosiasiyanın köməkliyi ilə müsbət nəticələr əldə etməklə sakinlərimizin yerli problemlərlə bağlı istək və arzularının reallaşdırılmasına nail ola bilərik. Buna həm mövcud potensialımız, həm də sakinlərin bizə dəstəyi imkan verir.
iradə Rzayeva
Astara rayonunun ərçivan bələdiyyəsinin sədri
