Azərbaycan BƏLəDiYYəLəRİ

Belediyye.info saytı olaraq fəaliyyətimizin iki ilini  tamamladıq. Tədbirsiz, təntənəsiz. Kimlər yazılı, kimlərsə də şifahi olaraq ürək sözlərini bildirməyi unutmadı. Xəbəri olub, lakin təbrik etməyi unudanlar da oldu...

Azərbaycan Prezidenti yanında QHT-lərə Dövlət Dəstəyi şurasının maliyyə dəstəyi ilə “Bələdiyyələrin fəaliyyətinin təbliği“ ictimai birliyinin ərsəyə gətirdiyi internet resursa gün ərzində kifayət qədər oxucu daxil olur.

Məhz oxucu fəallığı bizə stimul verir, daha yaxşı və daha operativ olmağa vadar edir. Ancaq unutmayaq ki, maliyyə vəziyyəti  imkan verərsə  bundan sonra daha böyük layihələri icra etmiş olacağıq.

iki il çox qısa zaman kəsiyi olsa da, sayt bu müddət ərzində çox işlər görüb. Fəaliyyət göstərdiyi iki il ərzində hər  gün bələdiyyələrin  hesabatlarını, onların həyata keçirdiyi layihələrin ictimailəşdirilməsinə çalışıb.

Bu müddət ərzində Belediyye.info tərəfindən Prezident Adminstrasiyasının müvafiq sektoruyla,  Milli Məclisin Regional Məsələlər Komitəsiylə, ədliyyə Nazirliyinin Bələdiyyələrlə iş Mərkəziylə, Azərbaycan şəhər, Qəsəbə və Kənd  Bələdiyyələrinin Milli Assosiasiyasıyla, o cümlədən bir sıra rayon və şəhər icra hakmiyyətləriylə sıx əməkdaşlıq əlaqələri qurulub.

Bu günədək 1607 bələdiyyədən yalnız 100 yaxın bələdiyyə ilə sıx əməkdaşlıq əlaqələri qurulub.

əlavə edim ki, bu müddət ərzində əsas məqsədimiz bələdiyyələrin fəaliyyətinin təbliği, onların qarşılaşdığı problemlərin ictimaliləşdirilməsi olub.

Fəaliyyətimiz məhz bu məqsədə uyğun qurulub.  iki il ərzində demək olar ki, hər gün bələdiyyələrin fəaliyyətləriylə bağlı 5-10 məlumat işlənərək sayta yerləşdirilib.  Ancaq bu iki ildə bizim üçün bir sıra problemlər öz həllini tapmamış qaldı.

Bu istiqmətdə aparıdığımız təhlillər göstərir ki, bələdiyyələrin fəaliyyətində əsas problem qanunvericilikdəki boşluqların olmasıyla, kadr çatışmazlığı, icra strukturlarıyla əlaqələrin düzgün səmtdə qurulmamasıyla bağlı  olsa da, ən əsas problem  bəzi bələdiyyə sədrlərinin fəaliyyətlərinin təbliğində  maraqlı görsənməməsi olub.

Məhz bu məqamı  Prezident Adminstrasiyasının Regional idarəetmə və Yerli Özünüidarəetmə  Orqanları ilə iş şöbəsinin  bələdiyyələrlə iş sektorunun müdiri Emin Eyvazov  bələdiyyələrin milli assosiasiyalarının hesabat yığıncaqlarında bildirməsi  də təsadüfü deyildi. Adminstrasiya rəsmisinin sözlərinə ğörə, diqqəti çəkən məqam odur ki, bu qədər layihə icra olunub, ancaq ictimaiyyətin bundan xəbəri yoxdur. Nəyə görə, hansı səbəbə  bələdiyyələr  fəaliyyətlərini, gördüyü işləri, həyata keçirdikləri layihələri təbliğ etməyə maraq göstərmirlər?

Etiraf etməliyik ki, bu gün bələdiyyələrin fəaliyyəti üçün zəruri normativ hüquqi bazanın yaradılmasına, eyni zamanda maliyyə resurslarının verilməsinə  baxmayaraq,  bir çox bələdiyyələr fəaliyyətlərini günün tələbi səviyyəsində qura bilməmişdir. Ancaq bələdiyyələr həyata keçirilən layihələri, ümumilikdə  mövcud fəaliyyəti, təbliğ  etməklə seçici-bələdiyyə münasibətlərinin tənzimlənməsinə şərait yaratmış olacaqlar.”

Bu gün onlarca bələdiyyə sədri var ki, kifayət qədər layihələrin icrasına imza atıb. Ancaq bu layihələr barəsində  özlərindən başqa heç kim bilmir.

Bəs görəsən nədən və hansı səbəbə görə, bələdiyyələr fəaliyyətlərini təbliğ etmək istəmirlər.

Bizim  gəldiyimiz  nəticələri qısa şəkildə qeyd etmək istərdik:

1. Bələdiyyə sədrləri ehtiyat edirlər. Belə düşünürlər ki, özlərini təbliğ  etməklə rayon rəhbərinin qəzəbinə  tuş gələ bilərlər-ancaq bu yalnış fikirdir. Bu gün iş başında olan icra başçısına rəhbərliik etdiyi rayonun təbliği  daha çox vacibdir və onların əksəriyyəti buna  maraqlıdırlar.
2. Bəzi bələdiyyə sədrlərinin, sözün birbaşa mənasında,  məsuliyyətsizliyi bu sırada yer alan məqam hesab edilməlidir. Bu gün bəzi bələdiyyə sədrlərinə gün ərzində ardıcıl olaraq zəng edib həyata keçirdiyi layihə barəsində məlumat göndərməyi xahiş etsəndə  sədrin verdiyi  söz  havadan asılı qalmış olur.
3. Bələdiyyələrdə bu sahəyə baxan məsul şəxs yoxdur-bu da bir həqiqətdir. Ancaq bununda səbəbi maliyəsizlikdir desək, yəqin ki yanılmarıq.  Hər halda bələdiyyə sədri istəsə bu işin öhdəsindən gələ bilər. Bu istiqamət elə də böyük vəsait tələb etmir. Nəzərə alaq ki, bu istiqamətə qoyulan vəsait özünü az vaxt ərzində dögruldur.  Belə ki,  əhali arasında maarifləndirmə nəticədə, yerli vergilərin yığımına da müsbət  təsir edir.

Beləliklə, bələdiyyə sədrləri fəaliyyətlərinin təbliğinə maraqlı olmalıdır. Bununla da ilk növbədə yerli vergilərin yığımına  müsbət təsir etməklə, seçicilərinə vermiş olduqları sözə də vaxtında əməl etmiş olacaqlar.

Bu həmdə qanunun  və zamanın tələbidir.

Vüqar Tofiqli

“Bələdiyyələrin fəaliyyətinin təbliği” ictimai birliyinin sədri

P.S. ilk yazıda müəyyən  məqamları nəzərə alıb qeyd etdiyim bələdiyyələrin adlarını çəkmirik. Sözsüz ki, örnək  olan bələdiyyə sədrləri barəsində müsbət fikriləri zaman zaman qeyd edəcəyik.