sorğu
Naftalan bələdiyyəsi “Yerli demokratiya həftəsi”ndə bir sıra ciddi addımlar atıb.
Bələdiyyədən Belediyye.infoya daxil olan məlumata görə, bu həftə ərzində yerli özünüidarəetmə forması olan bələdiyyə haqqında və onun əsas vəzifələri haqqında qısa xülasə yazılaraq sakinlərin yaxından tanış olması məqsədiylə bələdiyyənin inzibati binasında olan lövhədən asılmışdır.
Habelə 12.10.2015-18.10.2015-ci il tarixlərində hər gün saat 10:00-dan saat 17:00-a kimi bələdiyyədə “Açıq qapı” günləri elan edilmişdir. Bu müddətdə 42 nəfər şəhər sakini bələdiyyədə qəbul edilmiş və müvafiq tədbirlər görülmüşdür. Sakinlərlə əlaqələrin operativliyini artırmaq məqsədiylə “Qaynar xətt” yaradılmış, bələdiyyənin yerləşdiyi binada habelə əhalinin sıx toplaşdığı yerlərdə 2 ədəd “Bələdiyyə poçt qutuları” quraşdırılmışdır.
Bələdiyyə əhalisi ilə görüşlərdə cari ilin oktyabr ayının 18-nə qədər bələdiyyədə görülmüş işlər barədə, o cümlədən “Bir bələdiyyə-azı bir layihə” təşəbbüsü çərçivəsində həyata keçirilmiş layihələr barədə seçicilərə hesabat verilməsidə həftə ərzində bələdiyyəinin həyata keçirdiyi işlərdəndir.
Belediyye.info
