sorğu
Ağdam rayonu Qərvənd bələdiyyəsinin inzibati ərazisində yeni tibb məntəqəsi inşa edilir. Daxili imkanlar hesabına inşa edilən məntəqə üç otaqdan ibarət olacaq. Qərvənd bələdiyyəsinin sədri Azər Mikayılovun Belediyye.info saytının əməkdaşına bildirdiyinə görə, məntəqəni ilin sonunadək istifadəyə verilməsi planlaşdırılır.
Azər Mikaylovun sözlərinə görə, bələdiyyə ərazisində vergilərin yığımında çətinlik çəkilsədə, bu günədək Məcburi Köçkünlərin Sosial inkişaf Fondunun və Azərbaycan Respublikası ərazilərin Bərpası və Yenidən Qurulması üzrə Agentliyinin xətti ilə altı layihə həyata keçirilb. Bu layihələrin hər biri ərazinin infrastrukturunun bərpasına xidmət edib. Orta Qərvənddə bələdiyyənin inzibatı ərazisində 74 min manat yol tikintisinə, su xəttlərinin çəkilişinə 63 min manat, Ayaq Qərvənddə elektrik xəttlərinin yeniləşdirilməsinə 64 min manat xərclənib. Cari ildə Ayaq Qərvəndin su xəttlərinin çəkişiylə bağlı layihənin icarsı nəzərdə tutulub. Bu gün ərazidə mövcud olan təsərrüfatların hər birinə su xətti çəkilib. Sədrin sözlərinə görə, bələdiyyə ərazisində infrasturkturala bağlı hər hansı problem yaşanmır.
