sorğu
“Binəqədi rayon Xocəsən Bələdiyyəsində "Bələdiyyələrin vergi və rüsumlarının toplanması” mövzusunda seminar keçirilib”- bu barədə Belediyye.infoya məlumatı bələdiyyənin şöbə müdiri Pərvanə Gözəlova bildirib.
Seminarda Xocəsən bələdiyyəsinin sədri Anar Abbasov çıxışında "Bələdiyyə gəlirləri və yerli vergilər" şöbəsinin əməkdaşlarına bildirib ki, yerli vergilərin toplanılması sahəsində əsas meyar vergi uçotunun düzgün qurulmasından başlayır: “Vergi ödəyicisini düzgün müəyyən etmək üçün ərazidə əsaslı inventarlaşdırma aparılmalı, BAiS-in (bələdiyyənin avtomatlaşdırılmış informasiya sistemi ) tələb etdiyi məlumatlar tam alınaraq sistemə daxil edilməli,verginin hesablanması aparılmalı (o cümlədən ötən dövrə olan borc məbləği daxil olmaqla),tədiyyə bildirişi yazılmalı və müəyyən edilmiş müddətlərdə tədiyəçiyə çatdırılmalı,vergi daxilolmaları şəxsi vərəqələrə işlənməli, verginin tam ödənilib- ödənilməsi müəyyənləşdirilməlidir.”
Sədrin sözlərinə görə, bundan əlavə maarifləndirilmə və təbliğata geniş yer verilməlidir.
Tədbirin sonunda müzakirə olunan məsələ barədə fikir mübadiləsi aparılıb, irad və təkliflər dinlənilib.
Belediyye.info
