sorğu
Səbail paytaxtın mərkəzi rayonlardan biri kimi Qarabağ, Yasamal, Nəsimi, Xətai rayonları ilə həmsərhəddir. Qeyd edək ki, icra hakimiyyəti başcının müvafiq sərəncamı ilə rayonda Fövqaladə hallar Komissiyası yaradılaraq Səbail bələdiyyəsinin sədri komissiya tərkibinə daxil edilib.
Fövqəladə Hallar Nazirliyinin Bakı Reqional Mərkəzi Səbail Səbail rayon icra Hakimiyyətində "Yanğınların profilaktikasında və yanğın hadisələri zamanı əhaliyyə düzgün davranış vərdişlərinin aşılanmasında yerli icra hakimiyyəti və özünüidarəetmə orqanlarının rolu" mövzusunda müşavirələr kecirib. Həmin müşavirələrdə rayonun təhsil və səhiyyə müəsisələrinin və digər təşkilatların rəhbərləri də iştirak ediblər. Belə tədbirlərdə yanğın baş vermə səbəbləri, yanğın zamanı hərəkət qaydaları, yaşayış binalarında yanğın təhlükəsizliyinin vəziyyəti və digər mövzularda çıxışlar olub. Məqsəd isə ondan ibarətdir ki, rayon ərazisində mövcüd olan problemlərin həlli yolları araşdırılsın, əldə olunan nəticələrdən gələcək fəaliyyətdə istifadə olunsun. Bundan əlavə rayon ərazisində fövqəladə hadisələr baş verdiyi təqdirdə mülki müdafiənin xüsusi tələblərini yerinə yetirmək, bu məqsədlə qüvvə və vəsaitləri hazırlamaq, təyinatı üzrə onları tətbiq edərkən xilasetmə, qəza-bərpa və digər təxirəsalma işlərin yerinə yetirilməsində qarşılıqlı fəaliyyətin təmin edilməsi üçün tədbir planı hazırlanıb.
Məlum olduğu kimi, son vaxtlar respublikamızın hər yerində olduğu kimi, Səbail rayonunda da ciddi və planlı şəkildə quruculuq və abadlıq işləri aparılır. Rayon ərazisində coxmənzilli binalar və kütləvi idman tədbirlərinin həyata kecirilməsi üçün komplekslər tikilərək sakinlərin istifadəsinə verilir.
Rayon ərazisində fövqəladə halların baş verməməsi üçün tərəfimizdən irimiqyaslı maarifləndirmə işləri aparılmaqdadır. Sözsüz ki, belə işlərdə fəal sakinlərdən təşkil edilmiş məhəllə komitələrinin gücündən də istifadə edirik.
Hesab edirəm ki, biz arxayınlaşmamalı və belə tədbirləri davam etdirməliyik.
Faktlar göstərir ki, fövqəladə halların əksəriyyətli həyat fəaliyyətinin pozulması, təbii aləmdə ciddi dəyişikliklərin yaranması ilə insanlara və ətraf mühitə ziyan dəyməsi ilə nəticələnir.
Ümumiyyətlə fövqəladə halların sosial-ekoloji nəticələrinin aradan qaldırılması, ətraf mühitin mühafizəsi və onun sağlamlaşdırılması üzrə məsələlərin həlli hər zaman gündəliklə olan problemlərdəndir.
Fövqəladə hadisələrin və onların aradan qaldırılması, mülki müdafiə idarəetmə orqanları və müvafiq icra hakimiyyəti orqanlarının birgə fəaliyyəti nəticəsində həyata keçirilir.
Fövqəladə hadisələrin qarşısının alınması üçün tədbirlərin secilməsi, vəziyyətin xarakterinin qiymətləndirilməsi, eləcə də, xilasetmə və digər təxirəsalınmaz işlərin aparılması üzrə əsas istiqamətlərin göstəriciləri mühüm rol oynayır.
Qeyd edilməlidir ki, yerlərdə baş verə biləcək fövqəladə hallar zamanı Fövqəladə Hallar Nazirliyinin müvafiq strukturları ilə yerli icra və yerli özünüidarəetmə orqanlarının qarşılıqlı əlaqəsi müstəsna əhəmiyyət kəsb edir.
Ona görə də hesab edirik ki, yuxarıda adlarını qeyd etdiyim təşklatlarla bigə gələcəkdə müxtəlif yönümlü tədbirlərin təşkil etməklə sakinlər arasında maarifləndirmə işini daha da sürətləndirə bilərik.
Firdövsi Cəbrayılov
Səbail bələdiyyəsinin sədri
