sorğu
ədliyyə Nazirliyinin Bələdiyyələrlə iş mərkəzində Bakı bələdiyyələrindən olan 45 nəfər bələdiyyə qulluqçusu üçün “Bələdiyyələrdə vətəndaşların müraciətləri üzrə kargüzarlığın təşkili” mövzusunda növbəti seminar keçirilib.
Bu barədə Belediyye.infoya daxil olan məlumatda qeyd edilir ki, növbəti seminarı giriş sözüylə Bələdiyyələrlə iş mərkəzinin rəsi əvəzi Fazil Məmmədov açaraq bələdiyyələrin fəaliyyətində normativ-hüquqi aktların əhəmiyyətindən, o cümlədən kargüzarlıq işlərinin təşkili məsələlərindən danışaraq öz təklif və tövsiyələrini bildirib.
Seminarda mərkəzin əməkdaşı Səfa Cəfərov “Bələdiyyələrdə vətəndaşların müraciətləri üzrə kargüzarlığın təşkili” mövzusunda geniş məruzəylə çıxış edib. Çıxışında müasir informasiya texnologiyalarından istifadəyə yönəldən məruzəçi bələdiyyələri bu işdə daha aktiv olmağa çağırıb. Onun sözlərinə görə, iKT-dən istifadə etməklə bələdiyyələr sakinlərin qarşılaşdığı problemlərin həllini də sürətləndirə bilərlər. Bununla yanaşı S.Cəfərov bələdiyyələrdə bu işdə kadr hazırlığına da diqqəti artırmağı qeyd edib.
Seminarın sonunda iştirakçıları maraqlandıran suallar cavablandırılıb.
Belediyye.info
