sorğu
Binə bələdiyyəsindən daxil olan məlumata görə, bələdiyyə qəsəbə ərazisinə bitişik olan Abşeron rayonunun balansındakı torpaqlarda qanunsuz olaraq inşa edilən mənzilləri əmlak vergisinə cəlb edə bilmir. Səbəb kimi həmin mənzillərin sənədləşdirilməməsidir. Vaxtı ilə Hövsan Südçülük və Donuzçuluq sovxozlarının əraziləri olan torpaqlar bu gün Binə qəsəbəsinin inzibati ərazisinə daxil edilmədiyindən həmin vəsaiti də toplamaq mümkün deyildir. Hazırda həmin ərazilər qəsəbəyə demək olar ki birləşib, sərhədləri müəyyən etmək belə çətindir.
Bələdiyyədən verilən məlumatda bildirilir ki, bu ərazilərə xidmətin göstərilməsi qəsəbə bələdiyyəsi tərəfindən icra olunsa da, inşa edilən 18 mindən artıq mənzildən yerli büdcəyə vəsait daxil edilməsi mümkünsüzdür.
Qeyd edək ki, bələdiyyənin mütəxəsisləri adıçəkilən ərazilərdə monitorinq arararaq ərazidə 18.415 sənədsiz mənzil olduğunu müəyyən ediblər. Hesablamalara görə, həmin ərazilərin vergiyə cəlb edilməsi nəticəsində bələdiyyə büdcəsinə il ərzində 120 min manata yaxın vəsait daxil ola bilər.
Bununla bağlı bələdiyyə müvafiq qurumlara müraciət etmək niyyətindədir.
Belediyye.info
