sorğu
Binəqədi rayon bələdiyyəsi 2016-cı ildəki fəaliyyəti və 2017-ci ildə qarşıda duran vəzifələr barəsində hesabatı ictimaiyyətə təqdim edib.
Binəqədi rayon 1 saylı inzibati dairəsi üzrə nümayəndəliyi ilə birgə keçirilən hesabat konfransında giriş sözü Binəqədi rayon icra Hakimiyyətinin başçısı Xaləddin isgəndərov açıb.
Giriş sözündə icra başçısı tədbir iştirakçılarını müzakirələrdə fəal olmağa çağırıb və hər iki qurumun 2016-cı ildəki fəaliyyətiylə bağlı obyektiv şəkildə fikir bildirməyi tövsiyə edib:
“Biz nə qədər öz fəaliyətimizə tənqidi yanaşsaq, daim seçicilərimizin və sakinlərimizin yanında olsaq, onda qarşmıza qoyulan hədəflərə də tez çata, problem və çətinliklərə daha sürətlə sinə gələ bilərik” .
Binəqədi rayon 1 saylı inzibati dairəsi üzrə nümayəndəliyinin rəhbəri Dilbər şükürova və Binəqədi rayon bələdiyyəsinin sədri Sitarə Cabbarlının 2016-cı ildəki fəaliyyətləri və 2017-cı ildə görüləcək işlər barəsində hesabat məruzələri konfrans iştirakçılarının diqqətinə çatdırılıb.
Məruzə ətrafında qəsəbə sakinləri çıxış edərək, hesabat məruzələrinə rəy və təkliflərinin bildirərək, bələdiyyənin və nümayəndəliyin ötən ilki fəaliyyətini qənaətbəxş hesab ediblər.
Hesabat yığıncağında rayon icra hakimiyyətinin rəsmiləri, Binədəqi rayon Ağsaqqallar şurasının, ədliyyə Nazirliyinin Bələdiyyələrlə iş Mərkəzinin, Azərbaycan şəhər, Qəsəbə və Kənd Bələdiyyələrinin Milli Assosiasiyalarının, QHT və KiV təmsilçiləri, habelə məhəllə komitələrinin fəalları iştirak ediblər.
Hesabat yığıncağında iştirak edən Milli Məclisin Regional məsələlər Komitəsinin üzvü Kamran Bayramov çıxış edərək Binəqədi bələdiyyələrinin fəaliyyətini müsbət dəyərləndirərək, digər ölkə bələdiyyələri üçün numunə gətirilə biləcək səviyyədə olduğunu bildirib: “inanıram ki, daim Binəqədi Rayon icra Hakimiyyətinin dəstəyini hiss edən Binəqədi bələdiyyələri vergi yığımında qarşılaşdıqları çətinlikəri də dəf edə biləcəklər.”
Konfransın sonunda Binəqədi rayon icra Hakimiyyəti başçısı X.isgəndərov hesabat məruzələri ətrafında çıxış edərək müvafiq qurumlara təklif və tövsiyələrini verib.
Sonra hər iki struktur üzrə qərar layihəsi səsə qoyularaq qəbul edilib.
Belediyye.info
|
|
|
|
|
|
