sorğu
Bu dəfə Binəqədi bələdiyyəsi və 1 nömrəli sahə inzibati ərazi dairəsi üzrə nümayəndəliyi rayon sakinlərinə hesabat verib. Hesabat yığıncağında rayon icra hakimiyyətinin rəsmiləri, rayon sakinləri, ziyalıları, ağsaqqalları, ədliyyə Nazirliyinin Bələdiyyələrlə iş mərkəzinin və Azərbaycan Milli şəhər Bələdiyyə Assosiasiyasının təmsilçiləri iştirak edirdi.
Bu barədə Belediyye.info ya daxil olan məlumatda bildirilir ki, tədbir 20 Yanvar şəhidlərinin əziz xatirəsinin bir dəqiqəlik sükutla yad edilməsiylə başlayıb.
Tədbiri giriş sözüylə açan Binəqədi Rayon icra Hakimiyyəti başçısının müavini Vüsal ismayılov hər iki qurumun fəaliyyətinə münasibət bildirməklə, bələdiyyənin fəaliyyətinin daha cevik, büdcə gəlirlərinin artırılması üçün bələdiyyə müəssisələrinin yaradılmasını məqsədəuyğun hesab edib.
Binəqədi bələdiyyəsinin sədri Sitarə Cabbarlı və 1 nömrəli sahə inzibati ərazi dairəsi üzrə nümayəndəsi Dilbər şükürova çıxış edərək 2015-ci ildəki fəaliyyətləri barədə yığıncaq iştirakçılarına ətraflı məlumat veriblər. Çıxışlarında hər iki qurumun rəhbəri 2016-cı ildə qarşıda duran vəzifələrə də toxunublar.
Tədbirdə rayon ziyalıları və ağsaqqaları çıxış edərək hesabatı məqbul sayıblar.
Yığıncaq ciddi fikir mübadiləsi ilə yekunlaşıb.
Belediyye.info
|
|
|
|
|
|
|
|
|
|
|
|
