sorğu
YAP Binəqədi rayon Təşkilatının akt zalında Binəqədi rayon icra Hakimiyyətinin və YAP Binəqədi rayon təşkilatının birgə təşkilatçılığı ilə “26 aprel - Çernobıl faciəsi”nin 31 ildönümü ilə bağlı tədbir keçirilib.
Tədbirdə Binəqədi Rayon icra Hakimiyyəti başçısının müavini Aygün əliyeva, Binəqədi Rayon icra Hakimiyyəti başçısı Aparatının şöbə müdirləri Ramiz Göyüşov, Elman Dadaşov, şöbə müdirinin müavini Rauf Həsənov, əSMN yanında Dövlət Sosial Müdafiə Fondunun Binəqədi rayon şöbəsinin müdir müavini Rafiq isayev, Rayon Ağsaqqallar şurasının sədri Akif Rəfiyev, ictimai şuranın sədri Aslan Mehdiyev, Çernobil əlilləri Cəmiyyəti Rayon şöbəsinin üzvləri, ictimai birliklərin sədrləri, ASAN Könüllüləri, fəal gənclər iştirak ediblər.
Tədbir öncə vətən, torpaq uğrunda həlak olan şəhidlərimizin və Çernobıl faciəsi zamanı həlak olanların xatirəsinin bir dəqiqəlik sükutla yad edilməsi ilə başlayıb.
Sonra Binəqədi Rayon icra Hakimiyyəti başçısının müavini Aygün əliyeva tədbiri giriş sözü ilə açaraq tədbir haqqında iştirakçılara faciənin tarixi haqqında çıxış edərək bu gün dövlətimiz tərəfindən Çernobıl əlillərinə yüksək diqqət və qayğı göstərildiyini diqqətə çatdırıb.
Natiq çıxışında bildirib ki, ümumbəşəri dəyərlərə sadiq olaraq bütün dünya xalqları ilə dostluq, sülh və əmin-amanlıq şəraitində yaşayan və bu məqsədlə qarşılıqlı fəaliyyət göstərən dövlətimiz bu gün bütün dünyaya sülh mesajını verən dövlətlərdən biridir.
Daha sonra çıxış edənlər Rayon icra Hakimiyyəti başçısı Aparatının ictimai-siyasi və humanitar məsələlər şöbəsinin müdir müavini- dini qurumlarla işin təşkilatçısı Rauf Həsənov, Rayon Ağsaqqallar şurasının sədri Akif Rəfiyev, Çernobil əlilləri Cəmiyyəti rayon şöbəsinin sədri Məhərrəm əliyev, Çernobil əlili Xudadat əliyev faciə haqqında danışaraq, dövlətimizin faciə qurbanlarına göstərdikləri diqqət və qayğıdan xüsusi bəhs ediblər.
Belediyye.info
