sorğu
Binəqədi gəncləri Qurban bayramı münasibətilə şəhid ailələrini ziyarət ediblər. Bu barədə məlumatı Binəqədi RiH yayıb.
Binəqədi Rayon icra Hakimiyyəti Aparatının baş məsləhətçisi Elnur Məmmədov, Binəqədi rayon Gənclər və idman idarəsinin rəisi Elvin Aslanov, Binəqədi qəsəbə bələdiyyəsinin sədri Aytac əliyeva, YAP Binəqədi rayon təşkilatının Gənclər Birliyinin sədri Fəsli Nəbiyev, Binəqədi qəsəbə bələdiyyəsinin ictimai-humanitar sektorunun müdiri Mətanət Nəsibova, YAP Binəqədi Rayon Təşkilatının əməkdaşları Rahil şükürov, Natiq ismayılov və ASAN könüllüləri Müqəddəs Qurban bayramı münasibətilə şəhid ailələrinin evində olmuşlar.
Aprel döyüşlərində qəhrəmancasına şəhid olan Fəxrəddin Qurbanlı və Emin Bağırovun ailələrini ziyarət edənlər ölkəmizin ərazi bütövlüyü uğrunda canından keçən igidlərlə fəxr etdiklərini bildirmiş, onların adının hər zaman xatırlandığı və uca tutulduğunu vurğulamışlar. Sonra islam dünyasının ən müqəddəs bayramlarından sayılan Qurban bayramı münasibətilə onları təbrik etmiş, onlara can sağlığı, firavan həyat, bol ruzi arzulayıblar.
Belediyye.info
