GüNDəLiK XəBəRLəR

Yasamal bələdiyyəsindən verilən məlumata görə,  bələdiyyənin sədr müavini, Azərbaycan Milli Elmlər Akademiyası iqtisadiyyat institutunun doktorantı  əli əkbərli   "şəhər bələdiyyələrində idarəetmənin təkmilləşdirilməsi problemləri" mövzusunda iqtisad elmləri üzrə fəlsəfə doktoru elmi dərəcəsi almaq üçün dissertasiya işini müdafiə edib.  Dissertasiya işində bələdiyyələrin 16 illik fəaliyyətinin təhlil edilib və  belə bir nəticəyə gəlinib ki, bələdiyyə qurum­la­rı­nın fə­aliyyətində səmərəliliyinin yüksəl­dil­­məsi, dövlət hakimiyyəti orqanları ilə  bələdiyyə qurumlarının  qarşılıqlı fəaliyyətinin tənzimlənməsi, bələdiy­yə­lə­rin maliyyə-iqtisadi vəziyyətinin yaxşı­laş­dırıl­ması, yerli sosial-iqtisadi məsələlərin həllində bələdiyyələrin rolunun daha da artırılması  yerli özünüidarə sahəsində ən aktual  məsələlərdəndir.

  Bu baxımdan  əli əkbərlinin yerinə yetirdiyi tədqiqat  işi  respublikamızda yerli özünüidarərtmənin əsas həlqələrindən biri olan şəhər bələdiyyələrində  idarəetmənin təkmilləşdirilməsi və onların maliyyə-iqtisadi əsaslarının yaxşılaşdırılması  problemlərin həlli kimi,  günün ən aktual  mövzusuna həsr edilib.

  Tədqiqat işində bir sıra elmi yeniliklərlə yanaşı bələdiyyə fəaliyyətinin, xüsusən şəhər bələdiyyələrində idarəetmənin təkmilləşdirilməsi və onların maliyyə-iqtisadi vəziyyətinin yaxşılaşdırılması  istiqamətində  elmi cəhətdən əsaslandırılmış bir sıra  təkliflər verimişdir. Bə­lə­diyyə idarəçiliyinin səmərəli təşkili  məqsədilə təd­qiqat za­ma­nı  müəllif    tərəfindən “Bə­lə­diy­yələrin nü­munəvi təşkilati-idarəetmə strukturu” təkmilləşdirilərək yenidən  işlənib hazırlanmışdır. Qarşıda duran əsas vəzifələrdən biri də şəhər bələdiy­yə­lə­rin­də iKT-nin genişmiqyaslı tətbiqinə nail olmaqdır.  Bu məq­səd­lə, bələ­diy­yələrin mərkəzi ser­ver sisteminin yaradıl­ma­sı, bələdiyyə qurum­la­rın­da xüsusi informasiya-analitik xidmətlərinin formalaş­dırıl­ma­sı, vergitutma obyektlərinin elektron məlumat bazasının yaradılması,  şə­hər bələdiyyə­lə­ri­nin kadr və informasiya təminatının yaxşılaşdırılması məq­sədilə bə­lədiyyələrarası infor­ma­siya sistemi və məlumat bazasının yaradılması ,  bələdiyyə aktlarının elektron resurslarda açıqlanması, ümumilikdə bələdiyyə idarəçiliyində elektron sənət dövriyyəsinin tətbiqi və beləliklə bələdiyyə fəaliyyətində şəffaflığın və aşkarlığın təmin edilməsi   kimi təkliflər verilmişdir.

  Müəllif  bələdiyyə  qurumlarında  maliyyə resursların  təyinatı üzrə düzgün və səmərəli istifadəsi  baxımından  ciddi da­xili  nəzarətin təşkilini vacib  sayır və  bu baxımdan ,  şəhər bələdiy­yə­lərində səmərəli daxili nə­za­rəti təmin etmək məqsədilə bələ­diy­yə  iclası  tərə­fin­dən xüsusi nə­za­rət  orqanının   (audit sektoru, audit qrupu  və s.) ya­ra­dıl­masını məqsədəuyğun hesab edir. Tədqiqat zamanı şəhər bələdiyyələrində strateji planlaşdırmanın zəruri olduğu el­mi cəhətdən əsaslandırılmış və təşkilati-idarəetmə st­ruk­turuna belə bir qrup və ya şöbənin əlavə edilməsi təklif olun­muş­dur. Eyni zamanda, bələdiyyələrin fəaliyyə­ti­nin strateji plan­laş­dı­rıl­ma­sı və maliyyə-iqtisadi əsaslarının gücləndirilməsi istiqa­mə­tində mü­vafiq təklif və tövsiyələr irəli sürül­müş­dür. əli əkbərli tərəfindən tədqiqat işində irəli sürülən təkliflər AR ədliyyə Nazirliyinin Bələdiyyələrlə iş Mərkəzi, Azərbaycan şəhər, kənd və qəsəbə bələdiyyələrinin  Milli Assosiasiyaları və bələdiyyə idarəçiliyi üzrə bir sıra ekspertlər tərəfindən əhəmiyyətli hesab edilərək  onların  respublika bələdiyyələrin  fəaliyyətində  praktiki tətbiqi  tövsiyyə olunmuşdur.

 əli əkbərli kimdir? 

  əli əkbərli 1963-cü ildə anadan olmuşdur. Masallı şəhər 2 saylı orta məktəbi əla qiymətlərlə bitirdikdən sonra, Ümummilli lider H.əliyevin  Respublikadan kənarda SSRi-nin nüfuzlu ali məktəblərində müsabiqıdınkənar ali təhsil  Proqramı çərçivəsində  1980-ci ildə  Xarkov Dövlət Radioelektronika institutuna daxil olmuş və  1985-ci ildə institutu müvəffəqiyyətlə bitirdikdən sonra gənc mütəxəssis kimi təyinatla Moskva Tətbiqi Fizika institunun Bakı filialına göndərilmişdir.

1990-cı ilə kimi Tətbiqi Fizika institunda mühəndis, mühəndis-konstruktor və elmi işçi vəzifələrində işləmişdir.

1990-cı ildən 2000-ci ilə kimi Müdafiə Nazirliyi sistemində baş mühəndis, idarə rəisi  vəzifələrində çalışmışdir.

1999-cu ildə respublikada keçirilən ilk bələdiyyə seçkilərində Yasamal bələdiyyəsinə üzv və bələdiyyənin sədr müavini seçilmişdir. əli əkbərli  ardıcıl olaraq dörd dəfə Yasamal bələdiyyəsinin üzvü və bələdiyyənin sədr müavini seçilmiş və hal-hazıra kimi həmin fəzifədə çalışır.  əli əkbərli  paralel olaraq bələdiyyə idarəçiliyi sahəsində elmi- pedoqoji və tədqiqat işi ilə məşğul olur. 2007-ci ildə Azərbaycan Respublikası Prezidenti yanında Dövlət idarəçilik Akademiyasını fərqlənmə diplomu ilə bitirmiş, dövlət və bələdiyyə idarəetməsi mütəxəssisi ixtisas dərəcəsi almışdır. Daima elmi axtarışlarda olan əli əkbərli 2008-ci ildən Azərbaycan Milli Elmlər Akademiyasının iqtisadiyyat institunda doktoranturaya daxil olmuş və 2014 cü ildə “şəhər bələdiyyələrində idarəetmənin təkmilləşdirilməsi problemləri“ mövzusunda doktorluq dissertasiyasını uğurla müdafıə edərək  iqtisad  (idarəetmə) üzrə fəlsəfə doktoru elmi dərəcəsinə layiq görülmüşdür.

Bələdiyyə idarəçiliyi sahəsində 15 elmi məqalənin ( onlardan 4-ü Rusiyanın və Ukraynanın elmi jurnallarında dərc olunmuşdur),  bakalavr və maqistr təhsil pilləsi üçün 6 Tədris Proqramının  və 2 Dərs vəsaitinin müəllifidir. əli əkbərli  2005-ci ildən ədliyə Akademiyasında bələdiyyə üzvləri və qulluqçularının    ixtisasartırma kurslarında, 2008-ci ildən isə Bakı Biznes Unversitetində  Dövlət və  bələdiyyə idarəetməsi  fənni üzrə müəllim işləyir.

əli əkbərli  bələdiyyə üzvü və sədr müavini kimi  yerli problemlərin həlli ilə bağlı çoxsaylı layihələrin müəllifi olmuş, bələdiyyə idarəçiliyi sahəsində beynəlxalq təcrübəni öyrənilməsi üçün Türkiyədə, Amerika Birləşmiş ştatlarında, Estoniyada  olmuş , çoxsaylı beynəlxalq elmi konfransların iştirakçı və məruzəçi olmuş, yerli özünüidarəetmə üzrə qabaqcıl təcrübəni öyrənmişdir. Beynəlxalq təcrübənin  yerli xüsusiyyətlərə uyğunlaşdırılması və  tətbiqi, habelə milli qanunvericilik aktlarında müfafiq dəyişiklik və əlavələrin edilməsi istiqamətində çoxsaylı təkliflər vermişdir.

əli əkbərli yerli özünüidarəetmə  sahəsindəki çoxillik elmi- pedoqoji və  təcrübü- praktiki fəaliyyəti  dövründə  bələdiyyə idarəçiliyi sahəsində təhsil alan bakalavr və mağistrlərin buraxılış və elmi-tədqiqat işlərinə rəhbərlik etmiş, bu sahədə  kifayət qədər ixtisaslı kadrlar yetişdirmişdir. Eyni zamanda o bələdiyyə idarəçiliyinin təkmilləşdirilməsi istiqamətində mühüm təkliflər və tövsiyyələr hazırlayaraq  ölkədə yerli  özünüidarəetmə institunun inkişafına xidmət etmiş , hal hazırda da bu fəaliyyətini  uğurla davam etdirir. 

əli əkbərli eyni zamanda Yasamal rayonunun ictimai-siyasi həyatında da aktivliyi ilə seçilir. O, 1993-cü ilin  mart ayından Yeni Azərbayçan Partiyasının üzvü,  ilk partiya təşkilatının sədridir.