sorğu
Türk Dünyası Bələdiyyələr Birliyinin (TDBB) və “Anadolu” Ajansının təşkilatçılığı, o cümlədən TiKA və Eyub Bələdiyyəsinin dəstəyi baş tutan “Yerli özünüidarəetmə orqanlarının media ilə qarşılıqlı əməkdaşlıq əlaqələrinə” həsr olunan təlim proqramı çərçivəsində “Bələdiyyə həyatı” qəzetinin baş redaktoru Vüqar Tofiqlinin Türk Dünyası Bələdiyyələr Birliyinin (TDBB) baş katibi Fəxri Çolakla görüşü baş tutub.
Görüşdə birliyin baş katibi təşkilatın məqsəd və məramından danışaraq Azərbaycanla əlaqələrə daim üstünlük verdiklərini bildirib: “Bu gün təşkilatda həmsədrlik mövcuddur. Həmsədr kimi Azərbaycanı Bələdiyyələrlə iş mərkəzinin rəisi Mehdi Səlimzadə layiqincə təmsil edir.”
Bu gün Azərbaycan bələdiyyə sistemində bir sıra məqamların öyrənilərək digər türk dövlətləri bələdiyyələrinə paylaşılmasına ehtiyac vardır.
Hazırda birliyimiz daha çox əməkdaşlıq əlaqələrinin qurulmasına və informasiya mübadiləsinin aparılmasına ehtiyac duyur.
Görüşdə söz alan “Bələdiyyə həyatı” qəzetinin baş redaktoru Vüqar Tofiqli təlimlərin keçirilməsindən məmnun olduğunu bildirərək, qarşılıqlı əməkdaşlıq və informasiya mübadiləsində həm Belediyye.info saytının, həmdə “Bələdiyyə həyatı” qəzetinin mühüm rolu vardır.
Bu gün Azərbaycan Qafqazda əsaslı söz sahibi olan ölkəyə çevrilib. Azərbaycan bələdiyyə sistemin ən ciddi və diqqətiçəkən problemi erməni işğalı altında olan ərazilərimizdə bələdiyyələrin formalaşdırılmamasıdır. Bu gün yurd yuvasından didərgin düşən bir milyon nəfər ölkə vətəndaşı yerli özüüidarəetmə orqanına seçkilərdə iştirak edə bilmir. Ancaq sön günlər dövlət başçısı ilham əliyevın yürütdüyü siyasət tezliklə torpaqlarımızın işğaldan azad ediləcəyindən xəbər verir.
Görüşün sonunda hər iki tərəf əməkdaşlıq əlaqələrinin inkişaf etdirilməsi və informasiya mübadiləsinin zəruriliyi vurğulanıb.
Belediyye.info
