sorğu
Koronavirus infeksiyasının (COVID-19) yayılmasının qarşısının alınması və sosial təcridin gücləndirilməsi məqsədilə xüsusi karantin rejimi qaydalarına riayət edilməsi, sanitar epidemioloji normalara əməl olunması ilə bağlı 17 aprel 2020-ci il tarixdə Göyçay rayon icra Hakimiyyəti başçıs Mehdi Səlimzadənın sədrliyi ilə Qərargah üzvlərinin növbəti iclası keçirildi.
M.Səlimzadə Nazirlər Kabineti yanında Operativ Qərargah tərəfindən elan edilən gücləndirilmiş karantin rejimi müddətində rayon ərazisində həyata keçirilən tədbirlər barədə məlumat verərək qeyd etdi ki, iclasın keçirilməsində əsas məqsəd rayonda koronavirus infeksiyasına qarşı mübarizə tədbirlərinin daha da gücləndirilməsindən ibarətdir.
iclasda rayon ərazisində koronavirus pandemiyasına qarşı aparılan tədbirlər haqqında ətraflı məlumat verilmiş, bu istiqamətdə görülən işlər müzakirə olunmuşdur.
Həmçinin rayon icra Hakimiyyəti tərəfindən yaradılan mobil qruplar vasitəsilə əhali arasında təbliğat işlərinin davam etdirilməsinin vacibliyini diqqətə çatdırılmışdır.
Rayon ərazisində koronavirus infeksiyasının qarşısının alınması məqsədilə sanitar-təmizlik, tibbi-profilaktik, dezinfeksiya işləri və aztəminatlı ailələrə ərzaq yardımı davam etdirilir.
***
Nazirlər Kabineti yanında Operativ Qərargahın qərarına uyğun olaraq, Göyçay rayonunda xüsusi karantin rejiminin tələblərinə, habelə sanitar-epidemioloji normalara qeyd-şərtsiz əməl olunması üçün zəruri tədbirlərin görülməsi davam etdirilir.
Rayon icra hakimiyyətinin könüllüləri ərzaq mağazalarında sahibkarlar və sakinlərlə karantin rejiminin tələbləri və davranış qaydaları, vətəndaşların mağazalara növbəlilik əsasında və əllərinin spirtlə dezinfeksiya edildikdən sonra daxil olmalarına, tibbi maska və əlcəkdən istifadə etmələri barədə maarifləndirici söhbətlər aparırlar.
Vətəndaşlara bir daha xüsusi karantin rejiminin qaydalarına riayət olunmasının əhəmiyyəti çatdırılır, özlərinin və yaxınlarının müəyyən olunan qayda və tövsiyələrə əməl edərək sağlamlıqlarını qorumalarının vacibliyi xatırladılır.
Azərbaycan Respublikasının Prezidenti ilham əliyevin “Biz bir yerdə güclüyük!” çağırışına cavab olaraq başladılan sosial aksiya davam etdiriləcək.
|
|
|
|
