sorğu
Ölkəmizdə bələdiyyələr demokratik, sərbəst, fəaliyyət göstərən bir qurum kimi sosial, iqtisadi və ekoloji problemlərin həllində demək olar ki, dövlətin köməkçisinə çevrilib.
Hörmətli Prezident ilham əliyevin dediyi kimi, bələdiyyələr yerliözünüidarəetmə orqanı olaraq ictimaiyyətin həyatında fəal rol oynamalıdır. Dövlətin bələdiyyələrə verdiyi dəstək, səlahiyyət və qayğısı daha geniş fəaliyyət üçün zəmin yaradır. Dövlət başçısının diqqətdə saxladığı sosial-iqtisadi inkişaf proqramına əsasən kəndimizdə xeyli abadlıq işləri görülür və məqsədimiz yerli əhəmiyyətli məsələləri daha çevik şəkildə həll etməkdir.
Sədr olduğum Kürdəxanı qəsəbə bələdiyyəsinin 11 nəfər uzvu vardır. Bələdiyyəmizdə fəaliyyət göstərən beş komissıya: – Yerli büdcə məsələləri üzrə, Yerli sosil məsələlər üzrə, Yerli ekologiyaməsələləri üzrə, Yerli iqtisadi inkişaf məsələləri üzrə, Hüquq məsələləri üzrə daimi komissiyalar əsasən nəzərdə tutulan məsələləri və qarşıya çıxan problemləri həll etmək üçün yaradılıb. Hər bir bələdiyyə üzvü göstərilən etimadı doğrultmaq üçün əllərindən gələn köməyi əsirgəmir. Biz hər bir məsələni komissiya üzvləri ilə birlikdə həll etməyə çalışırıq.
Altı ay ərzində bələdiyyəmizə ayrı-ayrı vətəndaşlar tərəfindən 62 ərizə daxil olmuşdur. Daxil olan ərizələrin 28-i Bələdiyyə tərəfindən verilmiş bağ, torpaq sahələrinin, koordinat nöqtələrinin yerində yoxlanıb dəqiqləşdirilməsi barədə, 3 müraciət bağ sənədinin mübahisəsi, 6 müraciət bağ arası olan yolların açılması, 17 vətəndaş isə verilən bağ sahələrinin xəritəyə uyğun olan sxemlərinin verilməsini xahiş edib. Daxil olan bütün ərizələr, qanuna uyğun olaraq öz həllini tapmış və təkrar şikayət daxil olmayıb.
Qeyd etmək yerinə düşər ki, Kürdəxanıda kəndə su xətti cəkilərək, bəzi hissələrində kanalizasiya və su xətləri bərpa edilib. Mütəmadi olaraq qəsəbədə yerləşən 4 qəbirstanlıq alaq otlarından, zibillərdən təmizlənir və daim ərazidə abadlıq işləri aparılır.
Maraqlı məqam bir də ondadır ki, bələdiyyə üzvlərimiz qan vermə aksiyasında da fəal iştirak edib.
Məlumdur ki, bələdiyyə büdcəsi - fiziki şəxslərin torpaq vergisindən, həyətyanı və bağ sahələrindən alınan torpaq vergisindən, əmlak vergisindən, bələdiyyə torpağının icarəyə verilməsindən icarə haqqı, dövlət büdcəsindən verilən maliyyə yardımları və dıgər gəlirlərdən formalaşır. Bilirik ki, hər hansı bir qurumun işləməsi üçün vəsaitin olması vacibdir. Bizim bələdiyyənin büdcə məsələləri də yerli əhalidən asılıdır. əhali ilə qurduğumuz birgə işin nəticəsində, buna müəyyən qədər nail ola bilirik. Vətəndaşlardan torpaq və əmlak vergisinin vaxtında ödənilməsi təmin olunmuşdur.
Yuxarıda qeyd olunanlarla yanaşı hələ də görə bilmədiyimiz işlər, həllini gözləyən bəzi problemlər qalmaqdadır.
Heyran Kərimova
Kürdəxanı Bələdiyyəsinin sədri
