sorğu
Binəqədi rayon Binəqədi bələdiyyəsinin yaydığı məlumata görə, rayon icra Hakimiyyətinin dəstəyi, Yeni Azərbaycan Partiyası Binəqədi Rayon təşkilatı və Binəqədi qəsəbə Bələdiyyəsinin təşkilatçılığı ilə 28 may – Respublika günü və 1 iyun – Uşaqların Beynəlxalq Müdafiəsi günü münasibətilə sosial aksiya keçirilib.
Aksiyada əlil Uşaq və Gənclərlə iş Mərkəzinin nəzdində olan 50-dək fiziki qüsurlu uşaq və yeniyetmə Quba şəhərinə ekskursiya aparılıb. Ekskursiya çərçivəsində Quba şəhərinin tarixi yerlərni, Qırmızı qəsəbə, Quba Tarix Diyarşunaslıq Müzeyi ilə tanış olublar.
Daha sonra isə Quba Soyqırımı Memorial Kompleksində olan Mərkəz üzvləri ermənilərin əsrlər boyu Azərbaycan xalqına qarşı tutduları təcavözkar mövqe və törətdikləri soyqırımın nəticələrini izləyiblər. Sonra layihə iştirakçıları Nüqədi gölünə gediblər. Ecazkar Nüqədi gölünün sahillərində piknik edən iştirakçılar müxtəlif oyunlar oynayıb, yarışlar keçiriblər.
Qaliblər müxtəlif hədiyyələr qazanıblar.
Belediyye.info
|
|
|
|
|
|
|
