sorğu
Azərbaycan Respublikası Prezidenti yanında Dövlət idarəçilik Akademiyasının Rəhbər kadrların fasiləsiz təhsili mərkəzi “Bələdiyyə idarəçiliyinin aktual problemləri” istiqamətinin ixtisasartırma növü üzrə əlavə təhsil kursunun növbəti buraxılışının dərsləri bəşa çatıb.
Yekun təqdimatda iştirak edən ədliyyə Nazirliyinin Bələdiyyələrlə iş mərkəzinin baş məsləhəçisi Qədir Xəlilov “Yerli özünüidarəetmə üzrə Avropa Xartiyasinin əsas prinsipləri” mövzusunda məruzə ilə çıxış edərək, sonda kursun iştirakçılarına öz təklif və tövsiyyələrini verib.
Mərkəz təmsilçisinin sözlərinə görə, bələdiyyə sədrləri fəaliyyətlərində tam demokratik prinsipləri önə çəkməli və Avropa təcrübəsini öyrənməklə fəaliyyətlərində yerli mühitə uyğun şəkildə istifadə etməsi məqsədə uyğun hesab edilə bilər.
Tədbirdə çıxış edən bələdiyyə sədrləri bu tipli kürsların onların gələcək fəaliyyətinə müsbət təsir edəcəyini xüsusiylə vurğuladılar.
Sonda kursu uğurla bitirən müdavimlərə sertifikatlar verildi.
Qeyd edək kursda Ağdam, Ağcabədi, Ağdaş Ağstafa, Ağsu, Astara, Balakən, Beyləqan, Biləsuvar və Bərdə rayonlarından olan 30 bələdiyyə sədri iştirak edib.
Belediyye.info
|
|
|
|
|
|
|
|
