sorğu
Yerli və özünüidarəetmə orqanlarının fəaliyyətinə dair təcrübə mübadiləsi məqsədilə aprelin 3-dən 7-dək Latviyanın Rezekne şəhərinin yerli idarəetmə orqanlarının nümayəndə heyəti Azərbaycanda səfərdədir.
Səfər çərçivəsində Latviyanın Rezekne şəhərinin nümayəndə heyəti tanışlıq məqsədilə Səbail bələdiyyəsində olublar.
Səbail bələdiyyəsinin sədri Firdövsü Cəbrayılov bələdiyyənin həyata keçirdiyi layihələrdən, bələdiyyənin fəaliyyətindən və nəzərəçarpan uğurlarından danışaraq qonaqlarla görüşdə ətraflı məlumat verib.
Rezekne şəhər merinin müavini Elvira Rizane hər iki ölkənin yerli və regional qurumlarının səmərəli əməkdaşlıq etməsinin əhəmiyyətini xüsusiylə vurğulayıb.
Rezekne şəhər merinin müavini Elvira Rizane, icraçı direktor Yanis Troşka və informasiya şöbəsinin müdiri Madara Bertina çıxış edərək qonaqpərvərliyə görə təşəkkürlərini bildiriblər.
Qeyd edək ki, səfər zamanı qonaqları Azərbaycan şəhər, Qəsəbə və Kənd Bələdiyyələrinin Milli Assosiasiyasının əlaqələndiricisi Tofiq Həsənov müşayiət edib.
Görüşdə həmçinin Səbail bələdiyyəsinin üzvləri Aliyə Təhmasıb, Mehriban Paşayeva və Qurban Abbasov iştirak edib.
Bundan sonra qonaqlar Xalça muzeyində olublar.
Belediyye.info
|
|
|
|
|
|
|
