sorğu
Lökbatan bələdiyyəsi yarımillik hesabatla çıxış edib. Bu barədəməlumatı Qaradağ rayon Lökbatan bələdiyyəsi yayıb. Toplantıda 6 aylıq hesabatla çıxış edən sədr N.ismayılov bələdiyyə üzvlərinə məlumat verərək qeyd edib ki, müvafiq qanunvericiliyə əsasən bələdiyyə üzvləri altı ayda bir dəfə seçicilərə fəaliyyətləri barədə hesabat verməlidirlər. Sədr bələdiyyə üzvlərindən seçicilər qarşısında hesabat vermələrini məqsədə uyğun hesab etdiyini qeyd etdi. Eyni zamanda N.ismayılov çıxış edərək qeyd edib ki, Lökbatan bələdiyyəsi cari ilin 6 ayı ərzində qəsəbədə aparılan sosial-iqtisadi problemlərin həllində yaxından iştirak edib.
Çıxışında sədr N.ismayılov bildirib ki, Lökbatan bələdiyyəsi tərəfindən qəsəbənin 1-ci yaşayış massivində məhəllə daxili yollara 40 “KamAZ” daş qırıntıları, 1A yaşayış massivində məhəllədaxili yola 8 maşın çınqıl tökülərək asfaltaltı hazırlıq işləri icra edilib. Eyni zamanda qəsəbə ərazisində məhəllə daxili yolların təmiri üçün tədarük edilmiş 30 maışn çınqıl 1-ci yaşayış massivində məhəllə daxili yollara daşınaraq yayılmış və asfaltaltı hazırlıq işləri görülüb.
Sədr daha qeyd edib ki, ş.Xəlilov küçəsində bərbad vəziyyətdə olan məhəlləyə 18 maşın torpaq və 10 maışn çınqıl daşınaraq yayılıb və məhəllədə abadlıq işləri aparılıb.
Bundan sonra S.Orucov döngəsi 1-də Mədən küçəsi ilə kəsişmədə kanalizasiya xətlərinin dəyişdirilməsi üçün Qaradağ rayon Su kanal idarəsinə D=219 MM-lik 60 metr borular verilib.
Qəsəbənin 28 may küçəsində yerləşən Ukrayna şairi Lesya Ukrainkanın adını daşıyan istirahət parkında ağsaqalların, yaşlı insanların məhəllə sakinlərinin istirahət etmələri üçün söhbətkeş quraşdırılaraq onların istifadələrinə verilmiş, Lökbatan bələdiyyəsi tərəfindən qəsəbənin 3-cü yaşayış massivində yerləşən şəhid bulağı təmir etmişdir. Bundan əlavə qəsəbənin i.Nəbiyev küçəsində yerləşən ev 2A-nın 1-ci girişində seyf qapı qoyulmuşdur. Lökbatan bələdiyyəsi gənc nəslin və uşaqların təhsildə fərqlənmələrinə də diqqət yetirərək onların həvəsləndirilməsi üçün 6 saylı uşaq somatik sanatoriyasında rəsm müsabiqəsi, Neftçi Qurban adına 288 saylı orta məktəbin şagirdləri arasında Azərbaycan xalqının ümummilli lideri Heydər əliyevin doğum gününün 93-cü il dönümü münasibətilə müsabiqə keçirilmiş və müsabiqə qalibləri mükafatlandırılmışdır. Lökbatan bələdiyyəsi qəsəbədə keçirilən mədəni kütləvi tədbirlərdə də yaxından iştirak etmişdir. Beləki, Lökbatan bələdiyyəsi “Novruz” bayramı münasibətilə keçirilən tədbirlərdə yaxından iştirak etmiş, “8 mart” Beynəlxalq Qadınlar Bayramı münasibətilə Bələdiyyə üzvü olan qadınlara və qadın bələdiyyə qulluqçularına hədiyyələr verilmişdir. Lökbatan bələdiyyəsi qəsəbənin şəhid ş.Xəlilovun adını daşıyan küçədə yerləşən 4,11,13 və 15 saylı binaların həyətində abad məhəllə lahiyəsinin həyata keçirilməsinə başlamış və məhəllədə 300 nəfərlik mərasim evinin tikintisinə başlamış, mərasim evinin tikintisi üçün məhəllədə təmizlik işləri aparılaraq 18 maşın daş qalaqları və zibillər təmizlənərək oradan daşınıb.
Hazırda mərasim evi tikilərək damı vurulmuş daxili və xarici suvaq işləri hayata keçirilmiş, işığ xətti, istilik sistemi, daxili və xarici su xətti, daxili və xarici kanalizasiya xətti çəkilmiş, daxilinə beton məhlulunun 5 sm qalınlığında vurulması işi görülmüş ərazinin sərhədləri mişar daşı ilə müəyyən edilmişdir və hazırda mərasim evinin tamamlama və abad məhəllə layıhəsinin həyata keçirilməsi layihəsi davam etdirilir.
Daha sonra sədr N.ismayılov qeyd edib ki, vergi ödəyicilərinin uçotunun dəqiqləşdirilməsi üzrə işlər həyata keçirilərək müsbət nəticələr əldə edilərək ötən illərlə müqaisədə torpaq və əmlak vergilərinin toplanmasında ciddi irəliləyiş əldə edilib, belə ki, 2015-ci ilin 6 ayı ərzində otuz beş min beş yüz əlli səkkiz manat torpaq və əmlak vergisi toplanıbsa, cari ilin 6 ayı ərzində altmış min altmış altı manat yerli vergi toplanmışdır. Bu da ötən illə müqaisədə torpaq vergisi 1,2 dəfə, əmlak vergisi 1,8 dəfə çox olmuşdur. Torpaq və əmlak vergiləri tədiyyə bildirişləri paylanılaraq toplanılmaqdadır, torpaq və əmlak vergilərinin toplanılması üçün əhali arasında geniş maarifləndirmə işləri aparılmış, məhəllələrdə Məhəllə Komitələri yaradılmış və bu işlər hazırda davam etdirilir. Yerli vergi və ödənişlərin ödənilməsi banklar, poçt rabitəsinin milli operatoru, habelə mövcud nağdsız ödəmə vasitələri ilə həyata keçirilir. Eyni zamanda yerli vergilərin ödəmə vasitələri vasitəsi ilə ödəmələri üçün müvafiq müqavilə bağlamışdır. Vergi və ödənişlərin BViS proqramına işlənməsi işi davam etdirilir.
Lökbatan bələdiyyəsində iş şəraitinin yaxşılaşdırılması üçün iş otaqları kompüter və digər texniki avadanlıqlarla təmin edilərək iş şəraiti yaxşılaşdırılmışdır.
Rəhmətə qetmiş imkansız qəsəbə sakinlərinin, şəhid aılələrinin, yas mərasimi təşkil edilmiş eyni zamanda imkansız qəsəbə sakinlərinə maddi yardımlar göstərilmişdir.
Lökbatan bələdiyyəsində idarədaxili nizam-intizam qaydaları gücləndirilmiş,
texniki təhlükəsizlik qaydalarına əməl edilməsi barədə işçilər təlimatlarla tanış edilmişdir.
Cari ilin 6 ayı ərzində Lökbatan bələdiyyəsi üzvləri 9 iclas keçirmiş, həmin iclaslarda 42 məsələ müzakirə edilmişdir. Cari ilin 6 ayı ərzində vətəndaşlardan Lökbatan bələdiyyəsinə 65 müraciət daxil olmuş, onlardan 47-si tam, 18-i isə qismən həll edilmişdir. Eyni zamanda idarə və müəssisələrdən Lökbatan bələdiyyəsinə 98 müraciət daxil olmuş, onlardan tam əksəriyyəti müsbət həll edilmişdir. Daha sonra sədr bələdiyyə üzvlərinin nəzərinə çatdırdı ki, cari ilabatin 6 ayı ərzində yerli vergiləri ödəməyən yəni torpaq və əmlak vergiləri və ödənişləri ödəməyən şəxslərdən həmin vergilərin məcburi alınması üçün Qaradağ rayon icra şöbəsinə və müvafiq məhkəmələrə müraciət edilmiş, onlardan 25 iş üzrə yerli vergilər tam ödənilmiş, 62 işə isə baxılmaqdadır.
Hesabat yığıncağı ciddi fikir mübadiləsiylə başa çatıb.
Belediyye.info
|
|
|
|
|
|
|
|
|
|
|
|
|
|
|
