sorğu
Binəqədi rayon M.ə.Rəsulzadə bələdiyyəsi sakinlərə müraciət edib. Müraciəti olduğu kimi təqdim edirik:
“əziz sakinlərimiz və dəyərli səhifə izləyicilərimiz! Səhifəmizdə mütəmadi olaraq dəm qazı ilə zəhərlənmə haqqında maarifləndirici məlumatlar paylaşırıq.
Qazdan istifadə edərkən təhlükəsizlik qaydalarına əməl edin!
- istənilən satış mərkəzindən əldə edilən məişət cihazının müvafiq sənədləri ilə, o cümlədən texniki pasportu, uyğunluq sertifikatı və s. ilə tanış olmalı, onlardan istifadə qaydasını satışı həyata keçirən mağazanın nümayəndəsindən öyrənmək lazımdır.
- Qaz cihazlarının istər obyektdə, istərsə də evdə quraşdırılması mütləq qaydada bu sahə üzrə ixtisaslaşmış mütəxəssislər tərəfindən həyata keçirilməlidir.
-Təyinatından asılı olmayaraq obyektlərdə və yaşayış sahələrində standarta uyğun olmayan qaz cihazlarından istifadə etmək olmaz.
- Quraşdırılan hər bir məişət qaz qızdırıcısı tələb olunan standartlara cavab verməli, onların təhlükəsizlik qurğuları daima saz vəziyyətdə olmalı və istifadəsi zamanı müəyyən edilmiş təhlükəsizlik qaydalarına tam riayət edilməlidir.
- Müəyyən məqsədlər üçün qaz cihazlarından qurğu və aqreqatların, hissələrin çıxarılmasına yol vermək olmaz.”
Belediyye.info
