sorğu
Binəqədi Rayon icra Hakimiyyəti başçısı Aparatının ictimai-siyasi və humanitar məsələlər şöbəsinin müdiri Elman Dadaşov, Sənədlərlə və vətəndaşların müraciətləri ilə iş şöbəsinin müdiri Elnur imanov, Hüquq şöbəsinin müdiri Yunis Hüseynov və Sosial-iqtisadi inkişafın təhlili və proqnozlaşdırılması şöbəsinin müdiri Yəhya əliyev Rayon icra Hakimiyyəti başçısı yanında şura iclaslarının Qərarlarında qeyd edilmiş tovsiyələrlə əlaqədar Binəqədi rayonu M.ə.Rəsulzadə bələdiyyəsində görüş keçiriblər. Bu barədə məlumatı Belediyye.infoya Binəqədi rayon M.ə.Rəsulzadə bələdiyyəsindən daxil olub.
Bələdiyyənin əməkdaşları ilə keçirilən görüş zamanı Prezident ilham əliyevin rəhbərliyi ilə ölkədə aparılan sosial-iqtisadi siyasətdən bəhs edilmiş, Strateji Yol Xəritələri və digər strateji əhəmiyyətli sənədlərin icrası və qeyri neft sektrounun inkişaf etdirilməsi ilə əlaqədar görülməkdə olan işlər barədə ətraflı məlumat verilib.
Eyni zamanda görüşdə Rayon icra Hakimiyyəti başçısının 2017-ci il aprelin 4-də bələdiyyə sədrləri ilə görüşdə səsləndirdiyi fikirlər və verdiyi tövsiyələrlə əlaqədar bələdiyyə əməkdaşlarına məlumat verilmiş, bələdiyyənin mövcud maliyyə durumu, bələdiyyə vergilərinin və rüsumlarının yığılması vəziyyəti, bu sahədə mövcud olan çətinliklər və problemlər müzakirə edilmiş, sakinlərin məmnunluğunun təmin edilməsi, onların müraciətlərinə baxılması, qaldırdıqları problemlərin həll edilməsi, yerli vergi və ödənişlərin vaxtında və tam həcmdə yığılmasının təmin edilməsi, vergi borcu olan vətəndaşların müəyyən edilməsi və onlarla müvafiq işin aparılması, bələdiyyə büdcəsinə vergi daxilolmaları, bələdiyyə büdcəsinin təyinatı üzrə səmərəli istifadəsi və başqa məsələlər barədə metodik tövsiyələr səsləndirilib.
Bununla yanaşı keçirilən görüşdə bələdiyyədə şöbələrarası koordinasiyanın gücləndirilməsi, bələdiyyənin ictimai-humanitar sektorunun iş spektrinin genişləndirilməsi, yerli vergilərin və rüsumların yığılması sahəsində məlumatlandırma və təbliğat-təşviqat işlərinin gücləndirilməsi ilə bağlı fikir mübadiləsi aparılııb.
Belediyye.info
