sorğu
Xəbər verdiyimiz kimi, Bakı şəhər icra Hakimiyyətinin Aparat rəhbəri Rasim Quliyevin tutduğu vəzifədən azad edilib. Rasim Quliyev Modern.az-a özəl açıqlamasında faktı təsdiqləyib. O qeyd edib ki, öz istəyilə tutduğu vəzifədən azad edilib:
“Bəli, öz xahişimlə Aparat rəhbəri vəzifəsindən azad edilmişəm və Bakı şəhər icra Hakimiyyətinin Xarici əlaqələr Departamentinə sədr təyin olunmuşam”.
R.Quliyev bildirib ki, artıq Aparat rəhbəri vəzifəsinə təyinat da olub:
“Yeni Aparat rəhbəri Elgün Həbibullayevdir. Gənc, perspektivli, intellektual kadrdır. əvvəllər Bakı şəhər icra Hakimiyyətində çalışmayıb, yeni təyinatdır. Vəzifəsinin öhdəsindən layiqincə gələcəyinə əminəm”.
Belediyye.infonun əldə etdiyi məlumata görə, Elgun Həbibullayev Eldar əzizovun komandasında Gəncə və Sumqayıt şəhəri icra Hakimiyyətlərində çalışıb.
Hətta Sumqayıt şəhər icra Hakimiyyəti başçısının müavini vəzifəsinədək yüksəlib.
Ancaq idarəçilik sahəsində əmək fəaliyyətinə isə BşiH Xarici əlaqələr və investisiya proqramları Departamentində başlayıb.
Belediyye.info
