sorğu
Sumqayıt bələdiyyəsinin 2017-ci ildə yerli büdcənin gəlirləri 1.542.332 manat, o cümlədən 270.000 manat dotasiya təşkil etmiş, proqnoz tapşırıq 112,2 faiz səviyyəsində icra olunub.
Bu fikirləri Belediyye.infoya bələdiyyə sədri Soltan əsədov bildirib.
Onun sözlərinə görə, yerli büdcənin gəlirlərində bələdiyyə əmlakının özəlləşdirilməsi üzrə ödənişlər 604.679 manat və ya 39,2 faiz, bələdiyyə əmlakının icarəyə verilməsi üzrə ödənişlər 335.062 manat və ya 21,7 faiz, fiziki şəxslərdən torpaq vergisi üzrə gəlirlər 89.024 manat və ya 5,8 faiz olmuşdur.
Hesabat dövründə yerli büdcənin xərclərinə toxunan sədr bildrib ki, 1.537.179 manat təşkil etmişdir ki, bu da proqnoz tapşırığının 111,8 faizi deməkdir. Yerli büdcənin vəsaiti əsasən bələdiyyə mülkiyyəti, mənzil-kommunal təsərrüfatı, sosial müdafiə və sosial təminat sahələrində həyata keçirilmiş layihələrin maliyyələşdirilməsinə yönəldilmişdir. Belə ki, il ərzində “Mənzil-kommunal təsərrüfatı xərcləri” xərc maddəsi üzrə yerli büdcədən 49.338 manat məbləğində, “Nəqliyyat və rabitə xərcləri” xərc maddəsi üzrə isə 833.094 manat miqdarında ayrılmışdır. Hesabat dövründə yerli özünüidarəetmə orqanının saxlanılması xərcləri 493.030 təşkil etmişdir ki, bu da ümumi xərclərin 32,1 faizi deməkdir.
Ümumilikdə il ərzində 188 layihənin icrasına 500 min manata yaxın vəsait xərclənib.
Belediyye.info
