sorğu
MiNGəÇEViR BəLəDiYYəSiNiN 2021-Ci iLDəKi FəALiYYəTi BARəDə HESABATI
2021-ci ildə Mingəçevir Bələdiyyəsi 25 iclas keçirib. iclas gündəliyinə 219 məsələ salınıb, məsələlərlə bağlı müvafiq qərarlar verilib.
iclaslarda müzakirə olunmuş məsələlərdən 101-i icarəyə və mülkiyyətə torpaq sahələri ayrılması ilə, 11-i şəhərdə aparılan tikinti-abadlıq işlərinə və bir sıra tədbirlərin keçirilməsinə maliyyə vəsaitlərinin ayrılması ilə, 10-u maddi yardımlarla, 97-i təşkilati və digər məsələlərlə bağlı olub.
Bunlardan başqa, bələdiyyə üzvləri iclaslarda bir sıra cari məsələləri müzakirə edib, rəy və təkliflərini bildiriblər.
VəTəNDAşLARIN QəBULU Və MÜRACiəTLəR
Həmişə olduğu kimi, hesabat ilində də bələdiyyə vətəndaşların qəbullarını təşkil edib, onların yazılı və şifahi müraciətlərinə həssaslıqla yanaşıb.
2021-ci ildə bələdiyyəyə 1846 ədəd ərizə və məktub daxil olub. Onlardan 28-i maddi yardımla, 357-i sahibkarlıq fəaliyyəti ilə məşğul olmaq üçün, 212-i fərdi ev tikintisi üçün torpaq sahəsi ayrılması ilə, 6-ı tikinti və təmir işləri ilə, 1243-ü arayış və məlumatlar almaqla bağlı müraciətlər olub.
Maddi yardımla bağlı müraciət edənlərdən 12 nəfərə pul və material yardımları edilib. Sahibkarlıq fəaliyyəti ilə bağlı müraciət edənlərdən 58 nəfərinə mövsümi ticarət, ictimai iaşə xidməti ilə məşğul olmağa icarə verilib, 3 nəfərin icarəsinə, 3 nəfərin mülkiyyətinə torpaq sahələri ayrılıb. Bələdiyyənin qərarları ilə 26 nəfərin zəbt edib ev tikdiyi torpaq sahələri onların mülkiyyətinə verilib. Onlardan 3 nəfəri şəhid ailəsi, 1 nəfəri Qarabağ müharibəsi əlilidir.
1243 nəfərə müxtəlif dövlət orqanlarına verilməsi üçün arayış və məlumatla bağlı müraciət edib və bu müraciətlər müsbət həll olunub. Digər müraciətlərə də qanunvericiliyin tələblərinə uyğun əsaslandırılmış cavablar verilib.
Hesabat ilində qurumuş ağacların kəsimi və budanması ilə əlaqədar 290 ərizə daxil olub. Onlardan 252-i budanma, 38-i isə kəsimlə bağlıdır. Müraciətlərin icrası ilə əlaqədar bələdiyyə müvafiq olaraq, 8 saylı Regional Ekologiya və Təbii Sərvətlər idarəsinə məktubla müraciət edib və həmin idarədən budanma ilə bağlı 222 müsbət rəy alınıb. Köküstə qurumuş ağacların kəsimi ilə əlaqədar müraciətlərə müsbət rəyin verilməsi nəticəsində 91 ədəd qurumuş ağacın kəsilməsi ilə bağlı bələdiyyə müvafiq qərarlar qəbul edib. Rəylər icra olunması üçün aidiyyatı üzrə Yaşıllaşdırma və Sanitar Təmizlik idarəsinə ünvanlanıb.
2021-ci ildə bələdiyyəyə rəsmi orqanlardan 1122 ədəd sənəd və məktub daxil olub. Onlardan 105-i Nazirliklərdən, 181-i yerli icra Hakimiyyətindən, 836-ı isə müxtəlif idarə və təşkilatlardan göndərilib. Məktublara tələb olunan müddətdə cavablar verilib. ədliyyə Nazirliyinin Bərdə Regional ədliyyə idarəsindən göndərilmiş tövsiyə, təlimat, məlumat xarakterli sənədlər, qanun və qaydalardan çıxarışlar istifadə üçün komissiya və şöbələrə paylanılıb.
Hesabat dövründə bələdiyyə sədri tərəfindən 212 nəfər fərdi şəkildə qəbul edilib. Rəsmi qəbuldan əlavə gələnlər isə daha çoxdur.
Bələdiyyədə il ərzində 2286 nəfər hərbi qulluqçunun məzuniyyətə gəlmə-getmə qeydiyyatı aparılıb.
BəLəDiYYə BÜDCəSi
GəLiRLəR
2021-ci ildə bələdiyyə büdcəsinin gəliri 386083,41 manat olub. Gəlirlər aşağıdakı mənbələrdən formalaşıb.
- fiziki şəxslərdən torpaq vergisi 11192,35 manat:
- fiziki şəxslərdən əmlak vergisi 22574,35 manat:
- yerli əhəmiyyətli tikinti materialları üzrə mədən vergisi 8145,00 manat
- bələdiyyə tərəfindən xüsusi ayrılmış sahələrdə mövsümi ictimai-iaşə və digər xidmətlərə görə ödəniş 8033,00 manat:
- bələdiyyə ərazisində mehmanxana xidmətləri göstərən şəxslərdən alınan ödəniş 3596,50 manat:
- bələdiyyə ərazisində müəyyən edilmiş yerlərdə bütün nəqliyyat vasitələrinin müvəqqəti dayanacaqları üçün ödəniş 3618,00 manat
- dövlət büdcəsindən verilən dotasiya 80000,00 manat:
- bələdiyyə əmlakının satışından daxil olan gəlirlər 64874, 25 manat:
- icarəyə verilmiş torpaq sahələrindən alınan icarə haqqı 153519, 96 manat:
- icarəyə verilmiş əmlakdan icarə haqqı 12000 manat:
- bələdiyyənin digər faəliyyətindən daxil olan gəlirlər 18.530,00 manat olub.
XəRCLəR
Hesabat dövründə bələdiyyənin xərcləri 317.261,57 manat olub. Xərclərin istiqamətləri aşağıdakı kimidir.
- əmək haqqı və onunla bağlı sair ödəmələr 169243,83 manat:
- əmək haqqına üstəlik (DSMF, işsizlik sığortası, icbari sığortalar) 59454,93 manat:
- dəftərxana ləvazimatı, cari təsərrüfat məqsədləri üçün mal və materialların alınmasına 2072,42 manat:
- nəqliyyat xidmətləri haqqının ödənilməsinə 1701,00 manat:
- rabitə xidmətləri haqqının ödənilməsinə 2468,01 manat:
- inventar və avadanlıqların alınmasına 910,00 manat:
- elektrik enerjisi haqqının ödənilməsinə 1488,00 manat:
- qaz sərfi haqqının ödənilməsinə 908,05 manat:
- su və kanalizasiyadan istifadə haqqının ödənilməsinə 100,00 manat:
- abadlıq xidmətləri haqqının ödənilməsinə 48866,65 manat:
- əsas vəsaitlərin (“Xəzər-SD” minik avtomobili) alınmasına ödəniş 5745,42 manat:
- maddi yardımlara 6042, 45 manat:
- bank xidmətlərinə 1378,30 manat:
- mətbuata abunə xərclərinə 1612,00 manat:
- sair xərclərə (AşBMA-ya üzvlük haqqı, reyestrə ödəniş, keçirilmiş hərrac haqqı, arxivə ödəniş, audit yoxlaması, əmək haqqı kartlarının alınması, bələdiyyə saytı və printerin təmiri, məhkəmə ekspertiza rəyinə, dövlət rüsumları, əMDK-ə ödənişlər, müavinət, mediasiya xidməti və s.) 15270,51 manat vəsait xərclənib.
GÖRÜLMÜş işLəR
ABADLAşDIRMA XiDMəTLəRi
2021-ci ildə bələdiyyə tərəfindən bir sıra tikinti-abadlıq işləri aparılıb.
“Bələdiyyə parkı”nın ərazisinə uşaqların əylənməsi üçün 7 dəst müxtəlif heyvan heykəlləri alınaraq yerləşdirilib. Həmin parkın ərazisi müxtəlif rəngli və ölçülü projektor və digər ekzotik işıqlarla işıqlandırılıb.
S.Vurğun parkında sıradan çıxmış işıq dirəkləri təmir olunub, yeni elektrik naqilləri çəkilib. Bu işlər üçün bələdiyyə büdcəsindən 4835 manat vəsait xərclənib.
Bələdiyyənin təşəbbüsü ilə şəhid Məmmədli Məhəmməd Murad oğlunun xatirəsinə müasir dizaynla bulaq kompleksi tikilib, istifadəyə verilib. Kompleksin ətrafına tamet örtük döşənib, işıqlandırma sistemi quraşdırılıb, bulaq qara və ağ mərmərlə üzlənib, oturacaqlar qoyulub, ağac və gül kolları əkilib. Bulağın tikintisinə bələdiyyə tərəfindən 5000 manat vəsait ayrılıb.
“Günəşli” qəsəbəsində şəhidlər Musa və Tural Həsənov qardaşlarının xatirələrinə bulaq tikintisinə və ətrafının abadlaşdırılmasına, ümumiyyətlə şəhid bulaqlarının yanına qoyulması üçün 20 ədəd oturacağın düzəldilməsinə 3730 manat vəsait xərclənib. Bunlardan başqa dəyəri 3200 manat olmaqla oturacaqlar, dəyəri 328 manat olmaqla 41 kisə sement və dəyəri 202 manat olmaqla 404 ədəd kərpic müxtəlif ünvanlarda tikilmiş şəhid bulaqlarında istifadə olunub.
şəhid şaiq Mustafayevin xatirəsində N.Rəfibəyli küçəsində tikilmiş bulaq kompleksinin ətrafındakı söhbətgah əsaslı təmir edilib, oraya 2 ədəd oturacaq qoyulub.
“Günəşli” qəsəbəsində şəhid bulağının kənarlarının hasarlanması üçün dəmir torun alınmasına 68 manat vəsait sərf olunub.
Bələdiyyə hər il olduğu kimi 2021-ci ildə də “Abad məhəllə” layihəsinin icrasını davam etdirib. N.Nərimanov, ş.i.Xətai və A.Məmmədov küçələrinin əhatəsində yerləşən 4 mindən çox sakinin yaşadığı 135-ci məhəllədə hündürmərtəbəli binaların qarşısına 16 ədəd müasir tərtibatlı söhbətgah, 50 ədəd söykənəcəkli oturacaq qoyulub. Həmin məhəllədə uşaq əyləncə və idman mərkəzinin yaradılması da nəzərdə tutulub.
şəhərin “Ahıllar bağı” adlanan əraziyə 20 ədəd yeni dizaynda oturacaq alınaraq yerləşdirilib.
Bu işlər üçün bələdiyyəyə dövlət büdcəsindən ayrılmış dotasiyadan 32.700 manat vəsait sərf olunub.
Bələdiyyənin inzibati binasının dəhliz və otaqlarında yanğından mühafizə sisteminin, siqnalizasiyanın quraşdırılmasına 910 manat xərclənib.
Sakinlərin müraciətləri nəzərə alınaraq, şəhərin Kənar və Bozdağ küçələrinin ara yollarına 1000m3 çınqıl döşənib. Bunun üçün “Kamil” MMC qum-çınqıl müəssisəsinin mədən vergisi borcundan 4000 manat silinib.
MADDi YARDIMLAR
2021-ci ildə bələdiyyə tərəfindən imtiyazlı və imkansız şəxslərə müxtəlif növ yardımlar edilib.
Qurban bayramı ərəfəsində ərazi bütövlüyü uğrunda şəhid olmuş şəxslərin ailələrinə və müharibə əlillərinə 372 kq Qurban əti verilib. Bu məqsədlə bələdiyyə büdcəsindən 3534 manat vəsait ayrılıb.
1-ci qrup Qarabağ müharibəsi əlili Abdullayev Abdulla Süleyman oğlunu bələdiyyə himayəyə götürməklə bağlı qərar verib. Ona hər ay 200 manat yardım ödənilir. il ərzində Qarabağ əlilinə 1200 manat yardım edilib.
Bunlardan əlavə, 1-ci qrup gözdən əlil Məmmədova Rəfiqə Sirac qızına 100 manat, 2-ci qrup Qarabağ müharibəsi əlili Yusifov Bəhlul isa oğluna 100 manat, 2-ci qrup əlil, imkansız əliyev Təhməz Səfər oğluna 100 manat, təqaüdçü, imkansız Rüstəmova Durna Rəhim qızına 100 manat, şəhid ailəsi əliyev Zəfər Nəcəf oğluna yas mərasiminin keçirilməsi üçün 200 manat, 1-ci qrup əlil Məmmədov Yaşar Rəhim oğluna 100 manat yardım göstərilib.
Mingəçeviri Region liqasında təmsil edən “Energetik” futbol klubuna maliyyə dəstəyi üçün klubun prezidenti Həmidov Ruslan Vaqif oğluna 300 manat pul yardım olunub.
Vətən müharibəsində şəhid olmuş “əfqanların” xatirəsinə foto stend düzəldilməsi üçün əfqanıstan Veteranları ittifaqının Mingəçevir şəhər şöbəsinin sədri ibrahimov Elşən Müzəffər oğluna 40 manat yardım edilib.
MÜLKi DÖVRiYYəYə CəLB OLUNAN TORPAQ SAHəLəRi
2021-ci ildə bələdiyyə tərəfindən bələdiyyə mülkiyyətindən fərdi yaşayış evinin tikintisi üçün 1,0117 ha torpaq sahəsi mülkiyyətə verilib. Sahibkarlıq fəaliyyəti üçün 0,274 ha torpaq sahəsi mülkiyyətə , 0,0440 ha torpaq sahəsi icarəyə ayrılıb.
TəDBiRLəR
Hesabat dövründə bələdiyyə tərəfindən bir sıra tədbirlər həyata keçirilib.
20 Yanvar-Hüzn günü və Xocalı soyqırımı günündə bələdiyyənin üzv və qulluqçuları şəhidlər xiyabanında ucaldılmış abidələri ziyarət edib, şəhid məzarlarına gül dəstələri qoyublar.
Bələdiyyə Uşaq Gənclər inkişaf Mərkəzi ilə birlikdə bayram və mərasimlərdə müxtəlif səpkili tədbirlər keçirib.
Pandemiya ilə bağlı mübarizə tədbirlərində, maarifçilik işlərində bələdiyyə fəal iştirak edib.
AşBMA-nın və Milli Məclisin Regional komitə üzvlərinin iştirakı ilə keçirilmiş video konfranslarda bələdiyyənin rəhbərliyi və üzvləri də iştirakçı olublar.
“Yerli özünüidarə gender bərabərliyi siyasəti” layihəsi çərçivəsində bələdiyyənin “Gender bərabərliyi” komissiyasının üzvləri müxtəlif təlimlərdə iştirak edərək fəallıq göstəriblər.
Bələdiyyənin sədri hər gün şəhər icra Hakimiyyətinin təşkil etdiyi pandemiya ilə bağlı görülmüş işlərə həsr olunmuş videokonfranslara qoşulub.
Bələdiyyə Vətən müharibəsi şəhidlərinin ailələrinin və veteranlarının iştirakı ilə keçirilmiş müxtəlif tədbirlərin təşkilatçısı və iştirakçısı olub.
Mingəçevir Bələdiyyəsi
