sorğu
Nəsimi bələdiyyəsindən Belediyye.info saytına daxil olan məlumata görə, bələdiyyənin təşəbbüsü ilə "ən gözəl eyvan" müsabiqəsinə start verilib. Bu müsabiqənin şərtlərinə görə, hər bir Nəsimi rayon sakini yaşadığı mənzilin canlı gül-çiçəklə bəzədilmiş eyvanının şəklini (JPEG formatda) çəkib cari ilin noyabr ayının 15-nə kimi bələdiyyənin e-mail ünvanına (nesimi.belediyye@mail.ru) və bələdiyyənin facebook səhifəsinə (www.facebook.com/nesimibelediyyesi) göndərməklə müsabiqəyə qatıla bilər. Qeyd edək ki, müsabiqənin keçirilməsində əsas məqsəd sakinləri ekoloji təmizliyə çağırmaqdır.
Qaliblər tanınmış simalarında daxil olduğu Müsabiqə komissiyası tərəfindən müəyyən ediləcəkdir. Bələdiyyədən daxil olan məlumatda o da bildirilir ki, müvafiq olaraq I yerin qalibinə - 300 manat, II yerin sahibinə 200 manat, III yeri tutmuş sakinə isə 100 manat məbləğində mükafat veriləcəkdir.
Qeyd edək ki, ətraflı məlumat bələdiyyənin qaynar xəttinə ( (012) 440-50-71 ) zəng etməklə və ya facebook səhifəsinə müraciət etməklə ala bilərsiniz. Bundan əlavə Nəsimi bələdiyyəsinin intenet resursuna müraciət etməklə sizi maraqlandıran suallara cavab tapa bilərsiniz.
Xatırladaq ki, bu müsabiqə Bakıda ilk dəfədir ki keçirilir.
Belediyye.info
|
|
|
|
|
|
|
|
|
|
