sorğu
ədliyyə Nazirliyi ilə Hüquq və insan Haqları institutu arasında səmərəli əməkdaşlıq edilərək yetkinlik yaşına çatmayan məhkumların cəmiyyətə reinteqrasiyası məqsədilə birgə maarifləndirici təlimlər keçirilir.
Davam edən tədbirlər çərçivəsində nazirliyin Probasiya xidmətinin qeydiyyatında olan yeniyetmə məhkumlar üçün üçgünlük təlim təşkil olunub.
2023-cü ilin xalqımızın ümummilli lideri Heydər əliyevin anadan olmasının 100 illiyi münasibətilə “Heydər əliyev ili” elan olunması nəzərə alınaraq təlimdə ilk olaraq “Heydər əliyev və Azərbaycanda insan hüquqları islahatları”, “əfv, amnistiya və vaxtından əvvəl azad olunma” mövzuları tədris olunub. Həmçinin “Uşaq hüquqları”, “əmək bazarı ilə tanışlıq, işaxtarma vasitələri və karyera seçimi”, “Xaricdə təhsil imkanları” mövzusunda mühazirələr dinlənilib. Təlimçi qismində çıxış edən institutun məsul işçiləri tərəfindən mövzular üzrə təqdimatlar edilib, maraqlı diskussiyalar aparılıb.
Təlimin yekununda iştirak edən nazirliyin insan Hüquqları və Kommunikasiya idarəsinin rəisi Aynur Sabitova, Probasiya Xidmətinin rəisi Akşin Ziyadov, Hüquq və insan Haqları institutu idarə Heyətinin sədri Məhəmməd Quluzadə “Heydər əliyev ili”ndə təşkil olunan təlimdə xalqımız və dövlətimiz qarşısında misilsiz xidmətləri olan Ulu Öndərin insan hüquqlarının etibarlı təminatına xidmət edən islahatların aparılmasında müstəsna roluna, humanizm ideyalarına və bu siyasətin təzahürü olaraq əfv və amnistiya institutlarının davamlı tətbiqinə həsr olunan mövzuların tədrisinin əhəmiyyətini xüsusilə qeyd ediblər.
Bildirilib ki, bu və digər mühüm mövzularda maarifləndirici təlimlərin davamlı təşkili yetkinlik yaşına çatmayan məhkumların sosial adaptasiyasına və gələcəkdə layiqli vətəndaş olmalarına xidmət edir.
Sonda yeniyetmələrə sertifikatlar təqdim edilib.
ədliyyə Nazirliyi
