sorğu
Belediyye.info bələdiyyə sədrləri arasında keçirdiyi ilk “ekspess-sorğu”nun cavablarını oxucuların müzakirəsinə verir. Belediyye.infonun suallarını Gəncə şəhər Nizami bələdiyyəsinin sədri Qoşqar Məmmədov cavablandırır:
-Sakinlər tərəfindən bələdiyyə vergilərinin vaxtında - problemsiz ödənişi üçün rəhbərlik etdiyiniz bələdiyyə tərəfindən hansı addımlar atılır?
- Tədiyyə bildirişlərinin vaxlı-vaxtında verilməsi və əhali arasında vergi ödənişi mahiyyətinin düzgün təbliğatının aparılması bizim üçün böyük önəm kəsb edir.
-2017-ci ildə bələdiyyənizdən hansı istiqamətdə irəliləyişlər gözləyirsiniz?
- ilk növbədən əmlak və torpaq vergilərinin yığımını artırmaq, əhali üçün mühüm olan bir çox layihələrin bələdiyyə tərəfindən həyata keçirilməsini gözləyirik.
-Bələdiyyə büdcəsinə onlayn və ya stasionar ödəniş terminallarından daxil olan ödənişin səviyyəsi hansı vəziyyətdədir?
- Onlayn ödəniş sisstemi və stasionar ödəniş terminallarındakı proqramlaşdırma işləri tam hazırdir. Qeyd olunan sistemin fəaliyyət göstərməsi üçün hazırda əhali arasında təbliğat işləri aparılır.
-Bələdiyyənin maliyyə vəziyyətinin yaxşılşadırılması üçün fikrinizcə hansı addımların atılmasına ehtiyac var?
- Notariuslarda və ya digər dövlət qurumlarından hər hansı bir sənədləşməni apararkən bələdiyyəyə vergi borcunun ödənilməsinin tələb olunması ən vacib məsələ hesab edirik.
-Bu gün bələdiyyə qanunvericiliyində ilk növbədə hansı dəyişikliyin edilməsini təklif edərdiniz?
-Vergi borcunu ödəməyən vətəndaşların sərhəd-keçid məntəqələrindən keçməsinə qadağa qoyulmasını günün reallığına çevrilib. Bu addımın atılması həm sakinlərimizin, həm də bələdiyyələrin məsuliyyətini artıracaqdır.
Belediyye.info
