sorğu
Qusar bələdiyyəsinin sədri əlfəddin ibrahimovun Belediyye.infoya açıqlamasında bildirilir ki, bələdiyyə 2016-cı ildə 330 min manat qazanmağı proqnozlaşdırıb. əsas maliyyə gəlirlərinin torpaq satışından olacağı gözlənilir. Torpaq vergisindən 20 min manat, əmlak vergisindən isə 50 min manat vəsait toplamağı nəzərdə tutan Qusar bələdiyyəsi əldə edəcəyi gəlirlərin 200 minə yaxın vəsatini şəhərin abadlığına, o cümlədən sakinlərin problemlərinin həllinə yönəldəcəyi deyilir.
Sədrin sözlərinə görə, artıq yerli büdcə müzakirələrinə yekun vurulub, bələdiyyə iclasında büdcə təsdiq edilib.
Sədr söhbət zamanı maraqlı faktlara da toxunub.
Belə ki, “Bir bələdiyyə - azı bir layihə” təşəbbüsü çərçivəsində Qusar rayonu tərəfindən 2015-ci ildə 24 layihənin icrasına 40 min manata yaxın vəsait xərcləyib. Layihələr içərisində diqqəti çəkən layihə Səfixanov və S.Vurğun küçələrində su arxın tikintisi olub. Bu layihənin icrasına 20 min manata yaxın vəsait xərclənib.
Xatırlaaq ki Qusar şəhərində əhalinin sayı 18400 nəfər, ərazisi isə 1452.4 ha-dır.
Belediyye.info
