sorğu
Lökbatan bələdiyyəsi Qaradağ Rayon icra Hakimiyyəti tərəfindən qəsəbədə aparılan abadlıq-quruculuq işlərində daim yaxından iştirak edir. Ötən səkkiz ay ərzində qəsəbədə aparılan sosial-iqtisadi məsələlərin həllində Lökbatan bələdiyyəsi də öz tövhəsini verib. Bu sahədə əsas fəaliyyət istiqamətlərindən biri məhəllədaxili ərazilərdə təmizlik işlərinin həyata keçirilməsi və binadaxili yolların asfaltlaşdırlımasıdır.
Belə ki, bələdiyyə tərəfindən H. Məmmədov küçəsi 1, 5 saylı binalarının yaxınlığında, Nizami küçəsi 5 ünvanında, S.Orucov döngəsində və S.Orucov küçəsi 39 saylı binanın yaxınlığında dörd ünvanda zibil qutularının yerləşdirliməsi üçün meydança tikilərək istifadəyə verilib. B.Niftəliyev küçəsi, VIII massivdə 3800 m2 gil-lay qatı çıxarılaraq ərazidə bərkitmə işləri aparılıb. S.Orucov küçəsi, Musəvi küçəsi və III massiv I küçədə 5 ədəd kanalizasiya lyuku bərpa edilib.
Qəsəbədaxili yollara asfalt vurulmasını da diqqət saxlamışıq. Ötən 8 ay ərzində bələdiyyə tərəfindən 3330 m2 asfalt örtüyü vurulub. II massiv və III massivdə dağ yamaclarından sel sularının gətirdiyi daş qırıntılarını, eyni zamanda S.Orucov küçəsində torpaq və inşaat materiallarının qalıqları yığılaraq bələdiyyə tərəfindən daşınıb.
Lökbatan bələdiyyəsi tərəfindən S.Orucov küçəsi, III yaşayış massivi, Nizami küçəsi, Musəvi küçəsi, Y.Mirzəyev və V.əsgərov küçələrində 2553 m2 sahəyə asfalt vurulub. Həmin əraidə 1340 m2 sahə isə karbonat işləri həyata keçirilib.
Eyni zamanda Lökbatan bələdiyyəsi qəsəbədə daim sosial məsələləri diqqət mərkəzində saxlanılmsını davam etdirir. Belə ki, neftçi Qurban adına 288 saylı məktəbin ətrafında yaşayan və həmin məktəbdə təhsil alan məktəblilər və müəllimlərin, o cümlədən qəsəbə sakinlərinin rahatlığını təmin etmək məqsədilə məktəbin ətrafında 5 istiqamətdə piyada yolu salınaraq 777 m2 asfalt, 1340 m2 lik sahə isə asfalt vurulması üçün hazırlanıb. Bundan əlavə I massivdə 1800 m2, VI massivdə 1200 m2 asfaltaltı hazırlıq işləri həyata keçirilib.
Həmçinin Lökbatan bələdiyyəsi tərəfindən qəsəbədə fəaliyyət göstərən 4 saylı usaq bağçasının bir neçə otağı cari təmir edilərək istifadəyə verilib.
Lökbatan bələdiyyəsinin sosial fəaliyyətinin davamı olaraq qeyd etmək istərdik ki, S.Səfərov küçəsi 4 ünvanında məhəllə sakinlərinin məhəllə ağsaqqallarının istirahət etmələrinə və boş vaxtlarını səmərəli keçirmələrinə şərait yaratmaq məqsədilə ərazidə istirahət guşəsi - söhbətkeş inşa edib.
əlavə olaraq qeyd edək ki, Lökbatan bələdiyyəsi tərəfindən 35 m kanalizasiya xətti çəkilib. Lökbatan bələdiyyəsinin fəaliyyət göstərdiyi inzibati binanın dam örtüyü cari təmir edilib. Habelə yanğın təhlükəsizliyinin təmin edilməsi üçün bələdiyyənin fəaliyyət göstərdiyi inzibati binanın elektrik xətləridə dəyişdirilib. Lökbatan bələdiyyəsində qulluqçuların fəaliyyətini yaxşılaşdırılması üçün iş otaqları kompüter, kondisioner, iş masaları və digər texniki avadanlıqlarla təmin edilərək otaqlarda iş şəraiti yaxşılaşdırılıb.
Uğurlarımızdan biri də şəffaflığın təmin edilməsi məqsədiylə bələdiyyə quluqçularnın əmək haqqlarının plastik kartlarla ödənilməsi olub. Həmçinin artıq bələdiyədə vergi ödəyicilərinin uçotunun dəqiqləşdirilməsi üzrə işlərini də başa çatdırıb.
əldə etdiyimiz uğurlardan biri də vergi yığılmasıyla bağlıdır. Cari ildə ötən illərlə müqayisədə torpaq və əmlak vergilərinin toplanılmasında ciddi irəliləyiş əldə edilib. Torpaq vergisinin toplanması ötən ilin 8 ayı ilə müqayisədə 3.5 dəfə, əmlak vergisi isə 10,8 dəfə çox olub. Bu da ötən illə müqayisədə ümumilikdə 7,5 dəfədən çox deməkdir. Torpaq və əmlak vergiləri tədiyyə bildirişi paylanılaraq bank və poçt vasitəsi ilə toplanılmaqdadır. Torpaq və əmlak vergilərinin toplanılması üçün məhəllə komitələri tərəfindən əhali arasında geniş maarifləndirmə işləri aparılır.
Lökbatan bələdiyyəsində həmçinin ötən dövrdə idarədaxili nizam-intizam qaydaları gücləndirilərək, texniki təhlükəsizlik qaydalarına əməl edilməsi barədə işçilər təlimatlarla tanış edilıb.
Hazırda Lökbatan bələdiyyəsi qəsəbənin I yaşayış massivində küçələrin işıqlandırılması üçün küçə işıqlarını çəkilməsi ilə bağlı hazırlıq işləri həyata keçirilir.
Eyni zamanda Lökbatan bələdiyyəsi qışa hazırlıqla əlaqədar olaraq qəsəbədə yerləşən bir neçə yaşayış binasının giriş hissələrinin təmirini həyata keçirməyi nəzərdə tutur.
Beləliklə, bələdiyyəmiz qəsəbə sakinlərinin bizə göstərdiyi etimadı doğrultmaq niyyətindədir. Bələdiyyə iclaslarının hər birində məhz sakinlər tərəfindən qaldırılan məsələlər müzakirə edilərək onun həlli istiqamətində addımlar atılır və müvafiq orqanlar qarşısında məsələ qaldırılır.
inanırıq ki, sakinlərimiz tərəfindən qaldırılan məsələlərın həllinə Qaradağ Rayon icra Hakimiyyətinin dəstəyi ilə az vaxt ərzində nail olacağıq.
Namizəd ismayılov
Qaradağ rayonu Lökbatan bələdiyyəsinin sədri
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
