sorğu
Saymaq...
Saymaq, saymağı öyrənməkdən başlayır. Sonra...
Sonra barmaqlarımızı,saniyələri,dəqiqələri,saatları,günləri,ayları,illəri sayırıq.
Zamanı sayırıq,başımızda ağaran tükləri sayırıq.
Qonşunun toyuq-cücəsini sayırıq,malını-dövlətini sayırıq. Hər gün,hər an cibimizdəki pulu sayırıq.
Saymaq... Tutduğumuz mövqeyi, cəmiyyətdəki yerimizi, həyat yolundakı pillələri sayırıq.Dostu,yoldaşı,tanışı, yadı sayırıq. Böyüyü-kiçiyi, atanı-ananı sayırıq.
Saya-saya saymağı, saya-saya saymağa öyrəşirik.
Saymaqla, saymağı öyrənməklə iş bitmir.
əsas məsələ saymağı öyrənməklə bərabər sayılıb, sayılanlardan olmağı da öyrənməkdir...
Tural Nəbiyev
Füzuli rayon Horadiz bələdiyyəsinin sədri
