sorğu
şəmkir regional ədliyyə idarəsinin təşkilatçılığı ilə Gədəbəy rayonunda fəaliyyət göstərən bələdiyyə üzvləri və qulluqçuları üçün seminar keçirilib. Bu barədə məlumat şəmkir regional ədliyyə idarəsindən daxil olub.
Seminarda idarə əməkdaşları tərəfindən “Bələdiyyə qulluğuna qəbulla bağlı müsabiqənin elan edilməsi, sənədlərin qəbulu, müsabiqənin keçirilməsi və nəticələrin elan edilməsi Qaydası” və “insan hüquqlarının qorunmasında bələdiyyələrin rolu və vəzifələri, bələdiyyələrdə şəffaflığın artırılması və antikorrupsiya tədbirlərinin görülməsi”, “Bələdiyyə torpaqlarının idarə edilməsində qanunçuluğun təmin edilməsi, bələdiyyə torpaqlarının təyinatı üzrə istifadə edilməsi və mühafizəsi sahəsində bələdiyyələrin vəzifələri”, “Vətəndaşların müraciətləri haqqında” Azərbaycan Respublikası Qanununda yeniliklər və tələblər, bələdiyyə və bələdiyyə müəssisələrində kargüzarlığın təşkilinin xüsusiyyətləri” mövzularında çıxışlar edilib.
Seminarın sonunda iştirakçıları maraqlandıran suallar cavablandırılmışdır.Tədbirdə Gədəbəy rayonunda fəaliyyət göstərən 20 bələdiyyənin ümumilikdə 33 üzvü və qulluqçusu iştirak edib.
Belediyye.info
