sorğu
Paytaxtın memarlıq üslubuna nəzarəti Bakı şəhər icra Hakimiyyəti deyil, Dövlət şəhərsalma və Arxitektura Komitəsi həyata keçirəcək. Prezident ilham əliyev bununla bağlı fərman imzalayıb.
“Qafqazinfo” “Xəzər TV”yə istinadən xəbər verir ki, Komitənin aparat rəhbəri Anar Quliyev yeni səlahiyyətdən danışıb.
O bildirib ki, yeni səlahiyyət onlara həm paytaxtın baş planının qaydalar çərçivəsində icrasına yardım edəcək, həm də sahibkarların tikinti fəaliyyətinin şəffaflaşdırılmasına geniş imkanlar yaradacaq.
Bundan başqa, Bakı bulvarında inşa ediləcək obyektlərə də nəzarəti Komitə həyata keçirəcək.
Qeyd edək ki, Bakı bulvarının obyektlər inşa edilməmiş yeni sahəsində tikintilər Komitənin hazırladığı konsepsiya əsasında inşa ediləcək.
