sorğu
Sabunçu rayonu Bakıxanov bələdiyyəsinin sədri Ramiz Nəsibovun Belediyye.infoya açıqlamasında bələdiyyənin cari ilin birinci rübündəki fəaliyyətinə toxunan sədr qeyd edib ki, cari ilin I rübü ərzində 3 iclas keçirmiş, iclaslarda qəsəbədə görülmüş və görüləcək abadlıq işləri, maddi yardımlar, mədəni tədbirlərin keçirilməsi müzakirə olunmuş və müvafiq qərarlar qəbul edilmişdir.
Sədrin sözlərinə görə, 2016-cı ilin tədbirlər planına uyğun olaraq, qəsəbədə bir sıra abadlıq işləri görülmüşdür.
Belə ki, ş.Kamilov küçəsi- qəbiristanliqa gedən yol və ə.Ağayev küçələri tərəfimizdən əsaslı təmir olunmuş, yola asfalt – beton örtüyü vurulmuş, ətraf kol-kosdan, tullantılardan təmizlənmişdir.
Bu müddət ərzində aztəminatlı və şəhid ailələrinə maddi yardımlar göstərilmiş, vətəndaşlar tərəfindən daxil olan 12 ərizə baxılaraq cavablandırılmışdır.
Qəbula gələn vətəndaşların sayı 51 nəfər təşkil etmişdir ki, onların da şikayət və müraciətləri dinlənilmiş, həlli mümkün olan məsələlər yerində həll edilmiş və bəzi məsələlərin həll edilməsi üçün aidiyyatı qurumlara müraciət edilmişdir.
Ramiz Nəsibov: “ Qarşıda görəcəyimiz xeyli işlər durur. il ərzində qəsəbənin sosial iqtisadi inkişafı, əhalinin yerli sosial məsələlərinin həlli istiqamətində işlərimizi davam etdirəcəyik.”
Belediyye.info
