sorğu
Bu gün Göyçayda inzibati ərazi dairəsi üzrə nümayəndəlikləri ilə növbəti videokonfrans keçirilib.
Videokonfrans zamanı rayonun ənənəvi təsərrüfat sahələrindən olan baramaçılığın inkişafı istiqamətində görülən işlərdən və qarşıda duran vəzifələr qeyd edilərək bildirilib ki, baramaçılığın inkişafı, kümçülərə lazımi köməkliyin göstərilməsi və qurdların bəslənməsi üçün ciddi tədbirlər görülməlidir.
Xəstələnmiş qurdlar barəsində təcili olaraq Göyçay Dövlət Aqrar inkişaf Mərkəzinin məlumat verilməli, profilaktik və digər xilasedici tədbirlər həyata keçirilməlidir. Rayonda baramaçılığın yem bazasını möhkəmləndirmək məqsədilə Çin Xalq Respublikasından gətirilərək kümçülərə paylanılmış tut tinglərinin vaxtında suvarılmasına və aqrotexniki qulluğuna ciddi nəzarəti təşkil etmək lazımdır.
Videokonfrans zamanı rayon icra Hakimiyyətinə və şəhər və kənd inzibati ərazi dairəsi üzrə nümayəndəliklərə qəbula gələn vətəndaşlar dinlənilmiş və onları narahat edən problemlərin, təkliflərin aidiyyatı üzrə qeydiyyata alınması və icra Hakimiyyətinin səlahiyyətləri çərçivəsində həll edilməsi ilə bağlı müvafiq tapşırıqlar vermişdir.
