sorğu
ədliyyə Nazirliyi Bələdiyyələrlə iş mərkəzinin, Almaniya Beynəlxalq əməkdaşlıq Cəmiyyətinin və Xaçmaz regional ədliyyə idarəsinin təşkilatçılığı ilə 20 iyun 2018-ci il tarixdə Xaçmaz və ətraf rayonu bələdiyyə üzvləri və qulluqçularının iştirakıyla hüquqi maarifləndirilmə məqsədilə seminar-müşavirə keçirilib. Bu barədə məlumatı Xaçmaz regional ədliyyə idarəsi yayıb.
Tədbirdə Xaçmaz regional ədliyyə idarəsinin rəisi Cavanşir əvəzov ədliyyə Nazirliyi tərəfindən həyata keçirilən islahatlar barədə məlumat verərək, bələdiyyə üzv və qulluqçularının maarifləndirilməsinin və onlara metodiki kömək göstərilməsinin daim diqqət mərkəzində saxlanıldığını bildirib.
Xaçmaz, Quba , şabran, Qusar və Siyəzən rayonlarından olan bələdiyyə üzv və qulluqçularının iştirak etdiyi seminar-müşavirədə “Turizmin inkişaf etdirilməsində bələdiyyələrin rolu” mövzusunda Almaniya Beynəlxalq əməkdaşlıq Cəmiyyətinin məsləhətçisi Mehdi Abdullayev “Yerli büdcənin tətbiq edilməsində iqtisadi kodların tətbiqi” mövzusunda isə cəmiyyətin eksperti Zöhrab Fərəcov çıxış edib.
Tədbirin sonunda iştirakçıları maraqlandıran suallar cavablandırılıb.
Belediyye.info
|
|
|
|
|
|
