sorğu
Xəbər verdiyimiz kimi, Azərbaycan nümayəndə heyəti Ukraynanın Xarkov şəhərində keçirilən Avropa şurası Yerli və Regional Hakimiyyətlər Konqresi Monitorinq Komitəsinin iclasında iştirak edir. iclasın gedişi barədə Belediyye.infoya ətraflı məlumat verən Azərbaycan şəhər Bələdiyyələrinin Milli Assosiasiyasının sədri, Nərimanov bələdiyyəsinin sədri Təmraz Tağıyev bildirib ki, artıq Ukraynannın Xarkov şəhərində Avropa şurası iclası işə başlayıb:
“iclasda Konqresə üzv olan ölkələrdə Avropa Yerli özünüidarəetmə Xartiyasından irəli gələn öhdəliklərin yerinə yetirilməsinə nəzarət edən Monitorinq Komitəsi, qurumun əsas orqanlarından biri kimi, seçkilərin müşahidəsi,yerli demokratiya və insan hüqüqlarının vəziyyətinə dair məsələlərin müzakirəsi həyata keçirilmişdir.
iclasda habelə isveçrə, Serbiya, italiya və isveçə dair məruzələr dinlənilmiş, Andorra, Monako, Lixenşteyn, San-marinoda Monitorinq, eləcədə Finlandiya, Ermənistan və Niderlandda keçirilən yerli və regional seçkilərə dair məsələlər müzakirə olunacaq, müvafiq tövsiyə və qətnamə layihələri təsdiq olunmuş, onların Konqresin oktyabr ayında Strasburqda keçiriləcək plenar iclasına təqdim edilməsinə dair qərarlar qəbul olunmuşdur.
Komitənin iclasında həmçinin post monitorinq dövrü üçün təkliflər paketi, eləcədə tövsiylərdəki müdəaların implementasiyasına dair müzakirələr də aparılıb.”
Qeyd edək ki, Monitoprinq komitəsinin Xarkov şəhərində təşkil edilən iclasında Azərbaycanı Avropa şurası Yerli və Regional Hakimiyyətlər Konqresində Azərbaycan nümayəndə heyətinin rəhbəri, Naxçıvan MR Ali Məclsinin üzvü Anar ibrahimovda və Azərbaycan şəhər Bələdiyyələrinin Milli Assosiasiyasının sədri, Nərimanov bələdiyyəsinin sədri Təmraz Tağıyev təmsil edir.
Belediyye.info
