sorğu
Yevlax Bələdiyyəsinin sədri Elmi Səfərəliyevin Belediyye.infoya verdiyi məlumata görə, fəaliyyətimizdə vətəndaşların təklif, ərizə və şikayətlərinə baxılması, onların qəbulu, əhali tərəfindən qaldırılan problemlərin qanun çərçivəsinə müvafiq həlli yollarının müəyyənləşdirilməsi və icrasının təmin edilməsinə bələdiyyə diqqətlə yanaşır. Cari ilin 6 ayı ərzində bələdiyyə üzrə ümumilikdə 19 iclas keçirilmiş, 96 qərar qəbul edilmişdir.
Bələdiyyəmizin fəaliyyətində əsas məsələ sosial-iqtisadi problemlərin həlli məsələsidir. Elə bu səbəbdəndir ki, bələdiyyə ərazisində əhali ilə mütəmadi olaraq görüşlər keçiririk. Ağsaqqallar və ziyalılarla ictimai dinləmələr təşkil edirik. Seçicilər tərəfindən qaldırılan məsələlərin həlli üçün bələdiyyə büdcəsinin formalaşmasına xüsusi diqqət yetiririk.
Büdcə daxilolmalarına toxunan sədr bildirib ki, 2016-cı ilin 6 ayı ərzində bələdiyyə büdcəsinə fiziki şəxslərin torpaq vergisindən 882 manat, əmlak vergisindən 4.025 manat, əmlakın icarə haqqından 3.387 manat, əmlakın özəlləşdirilməsindən (alyı-satqıdan) 19.623 manat, küçə reklamından 3.238 manat, avtodayanacaqdan 623 manat, 22.000 manat isə dövlət büdcəsindən ayrılan dotasiyadan, ümumilikdə 53.778 manat olmuşdur.
2016-cı ilin 6 ayı ərzində büdcəmizin məxaric hissəsi 53.727 manat olmuşdur. Belə ki, əmək haqqının ödənilməsinə 14.393 manat, gəlir vergisinə 1.034 manat, DSMF-na 5.760 manat, maddi yardıma 720,0 manat, reyestr xidmətinə 7930,34 manat, audit xidmətinə 500,0 manat, rabitə və roçt xidmətinə 460 manat, “Azərişıq”a 375 manat, inzibati binanın təmirinə 2.445 manat, Kür çayı sahilində Bulvar istirahət parkında abadlıq işlərinin aparılmasına 18.200 manat xərclənmişdir.
Belediyye.info
