sorğu
Azərbaycan Prezidenti ilham əliyevin torpaqlardan istifadəyə nəzarətin gücləndirilməsi, torpaq sahələrinin, xüsusilə də kənd təsərrüfatı torpaqlarının təyinatı üzrə istifadəsi, bu sahədə aşkar edilən pozuntulara qarşı mübarizə aparılması ilə bağlı tapşırıqlarına və qanunvericiliyə uyğun olaraq Cəlilabad Rayon icra Hakimiyyəti ciddi araşdırma işləri apararaq zəruri tədbirlərin həyata keçirilməsi işini sürətlə davam etdirir. Bununla bağlı Cəlilabad RiH-in yaydığı məlumata görə, zəbt edilmiş torpaqlarla bağlı növbəti monitorinq Cəlilabad Rayon icra Hakimiyyəti başçısının Ağdaş kənd inzibati ərazi dairəsi üzrə nümayəndəliyində həyata keçirilmişdir.
Cəlilabad Rayon icra Hakimiyyəti başçısının müavini Nazim şükürov, rayon polis şöbəsinin əməkdaşları və digər səlahiyyətli şəxslər tərəfindən Ağdaş kənd inzibati ərazi dairəsi üzrə nümayəndəliyin ərazisinə aid olan Soyuqbulaq kəndində Məmmədov Seyfəddin Qurbanəli oğlunun bələdiyyə torpaqlarından zəbt etdiyi 3,70 hektar torpaq sahəsi və gölün ərazisi zəbtdən azad edilərək kənd əhalisinin istifadəsinə verilmişdir.
Qeyd edək ki, aparılacaq monitorinqlər zamanı qanunsuz olaraq istifadə edilən zəbt torpaq sahələrinin yenidən icarə müqaviləsi əsasında şəhid ailələrinə, qazilərə, müharibə iştirakçılarına və digər şəxslərə verilməsi nəzərdə tutulmuşdur.
P.S. Cəlilabad rayonu Ağdaş bələdiyyəsinin sədri Asəf ismayılov bununla bağlı RiH başçısına növbəti müraciəti paylaşıb.
Belediyye.info
https://www.youtube.com/watch?v=mbsjXVJuG3o
