Quba rayonu Zərdabi bələdiyyəsinin sədri Vüqar şirinovun Belediyye.infoya verdiyi məlumata görə, müqəddəs Ramazan günlərində qəsəbə bələdiyyəsinin təşəbbüsü ilə qəsəbə qəbrstanlığında iməcilik keçirilib.
iməcilikdə 50-yə yaxın qəsəbə sakini iştirak edib. Qəsəbə ziyalıları, ağsaqqalları, həkim, müəllim və gənclərin iştirakıyla keçirilən iməcilikdə beş hektara yaxın qəbrstanlıq ərazisi ot və kol-kosdan təmizlənib. Ağaclar ağardılıb. ərazidə ümumi abadlıq işləri görülüb.
Sədrin sözlərinə görə, qəsəbədə bu bir ənənəyə çevrilib. Belə ki, hər il yaz-yay aylarında qəbrstanlıqda iməcilik keçirilir.
Bununla yanaşı qəsəbənin inzibati ərazisində yerləşən "Dərə" deyilən ərazidə keçmiş sovet dönəmində salınan xristian qəbrstanlığı da kol-kosdan təmizlənərək abadlaşdırılıb.
V.şirinov bu iməcilikdə qəsəbə mədəniyyət evinin direktoru Çingiz Məmmədovun xüsusi rolu olduğunu bildirib.
Belediyye.info
|
|
|
|
|
|
|
|