Azərbaycan BƏLəDiYYəLəRİ

 13 yanvar 2017-ci il tarixində Aprel döyüşlərində qəhrəmancasına həlak olmuş şəhid Fəxrəddin Qurbanlının doğum günü ilə əlaqədar Binəqədi rayonundan həqiqi hərbi xidmətə çağırılmış gənc çağırışçılar və rayonun fəal gəncləri şəhid Fəxrəddin Qurbanlının məzarını ziyarət ediblər. Bu barədə məlumatı Binəqədi RiH yayıb.

Məlumatda qeyd edilir ki, ziyarətdən sonra Rayon icra Hakimiyyətinin təşkilatçılığı və Rayon Səfərbərlik və Hərbi Xidmətə Çağırış idarəsinin, Rayon Gənclər və idman idarəsinin təşkilati dəstəyi ilə keçirilən tədbir Binəqədi Mərkəzi Mədəniyyət Evində davam etmişdir.

Azərbaycan Respublikasının Dövlət Himni ilə açıq elan olunan tədbirdə çıxış etmək üçün ilk söz şəhidin təhsil aldığı 179 nömrəli tam orta məktəbin direktoru Almaz ismayılova verilmiş və natiq çıxışında şəhidin məktəb illərindən söz açmışdır.

Tədbirdə çıxış üçün söz Fəxrəddin Qurbanlının atası Seyfəddin Qurbanova verildi. şəhidin atası tədbirdə iştirak edən şəxslərə minnətdarlığını bildirərək, dövlətimizin şəhid ailələrinə qayğısından razılığını ifadə etdi.

Daha sonra çıxış üçün söz alan şəhidin təhsil aldığı Azərbaycan Universitetinin dekanı Aygün Musayeva, Rayon Səfərbərlik və Hərbi Xidmətə Çağırış idarəsinin rəisi Novruz Rəhimov və Binəqədi rayon icra Hakimiyyəti başçısının müavini Aygün əliyeva öz nitqlərində şəhid Fəxrəddin Qurbanlının timsalında bütün şəhidlərin əbədi olaraq Azərbaycan xalqının qəlbində yaşayacağını vurğulayaraq, onların ailələrinə dərin hüzünlə başsağlığı verdilər.

Tədbirin rəsmi hissəsi bitdikdən sonra şəhidin təhsil aldığı 179 nömrəli orta məktəbin istedadlı şagirlərinin ifasında bədii kompozisiya nümayiş olunmuşdur. Alqışların sədası ilə bitən kompozisiyadan sonra Azərbaycanın tanınmış hərbi diktoru, hərbi vətənpərvərlik mahnılarının ifaçısı, "Vətənpərvərliyin Təbliğinə Dəstək" ictimai Birliyinin sədri şəmistan əlizamanlı öz səmimi hisslərini tədbir iştirakçıları ilə bölüşmüş, daha sonra vətənpərvərlik ruhunda mahnılar ifa etmişdir.

ifa olunan mahnıların  müşaiyəti ilə rayonundan həqiqi hərbi xidmətə çağırılmış gənc çağırışçılar Azərbaycan Respublikasının Dövlət Bayrağını öpərək hərbi xidmətə yola düşdülər.

Belediyye.info