sorğu
Azərbaycan Rəssamlar ittifaqının dəstəyi, Binəqədi Rayon Binəqədi Bələdiyyəsinin və içərişəhər Dövlət Tarix Memarlıq Qoruğu idarəsinin birgə təşkilatçılığı ilə Binəqədi Bələdiyyəsinin üzvü Aysel əlizadənin “incə sənət” adlı layihəsi həyata keçirilib. Bu barədə məlumatı Binəqədi bələdiyyəsi yayıb.
Layihə çərçivəsində “Tahir Salahovun Ev muzeyi”nə təşkil olunmuş ekskursiyada Azərbaycan Rəssamlar ittifaqının üzvü Tərlan Eyvazov, Binəqədi bələdiyyəsinin ictimai-humanitar sektorunun müdiri Yusif Hüseynov və rayonun fəal gəncləri iştirak ediblər.
Dünyanın məşhur muzey və qalereyalarında saxlanılan, müxtəlif sərgilərdə nümayiş etdirilən rəsm əsərləri çoxəsrlik ənənələri olan Azərbaycan incəsənətinin şöhrətini ucaltdığını qeyd edən Azərbaycan Rəssamlar ittifaqının üzvü Tərlan Eyvazov Binəqədi Bələdiyyəsinin bu əsərləri gənclərin əyani olaraq görməsini təmin etməsinin təqdirəlayiq hal olduğunu vurğulayıb.
Sonra Milli incəsənət xəzinəsinin qızıl fonduna daxil olan əsərləri ilə Azərbaycan mədəniyyəti tarixində əhəmiyyətli iz qoyan müasir Azərbaycan rəssamlıq məktəbinin görkəmli nümayəndəsi, dünya şöhrətli rəssam Tahir Salahovun Ev muzeyi ilə tanışlıq olub.
Belediyye.info
|
|
|
|
|
|
|
|
