sorğu
Binəqədi rayonunda “15 iyun Milli Qurtuluş Günü” münasibəti ilə məktəblilər arasında keçirilən “Öz dünyanı boya” adlı I respublika rəngfestivalının final mərhələsi keçirilib. Bu barədə məlumatı Belediyye.infoya Binəqədi RiH yayıb.
Azərbaycan Respublikası Təhsil Nazirilyi, Binəqədi Rayon icra Hakimiyyəti, Azərbaycan Rəssamlar ittifaqı, “Fab Boya və Kimya Sənayesi MMC” nin birgə təşkil etdiyi “15 iyun Milli Qurtuluş Günü” münasibəti ilə məktəblilər arasında keçirilən “Öz dünyanı boya” adlı I respublika rəng festivalının Final mərhələsinə həsr edilmiş konsert proqramı keçirilib.
Tədbirdə Binəqədi Rayon icra Hakimiyyətinin başçısı Xaləddin isgəndərov, millət vəkili Kamələddin Qafarov, Bakı şəhəri üzrə Təhsil idarəsinin müdir müavini Hüseyn əsgərov, Azərbaycan Rəssamlar ittifaqın Katibi, Xalq Rəssamı Ağaəli ibrahimov , FAB Boya və Kimya Sənayesi MMC- nin Təsisçisi Anar əliyev , Binəqədi RiH başçısının müavinləri, şöbə müdirləri, rayonun hüquq-mühafizə və icra strukturları, təhsil, məktəbəqədər təhsil, mədəniyyət və səhiyyə müəssisələrinin rəhbərləri, ictimai təşkilatlar, gənclər, rayon ictimaiyyətinin nümayəndələri və sakinlər iştirak etdilər.
ilk öncə bayram tədbiri Bakı Humanitar Kollecin rəqs qrupunun ifasında “Azərbaycan Suitası” ilə başladı.
Daha sonra tanınmış aparıcı Saleh Bağırov tədbiri açıq elan edərək tədbir haqqında geniş məlumat verdi.
Sonra I respublika rəng festivalı ilə bağlı Video Çarx nümayiş edildi.
Video çarxın nümayişindən sonra “15 iyun Milli Qurtuluş Günü” münasibəti ilə məktəblilər arasında keçirilən “Öz dünyanı boya” adlı I respublika rəng festivalının qaliblərinin mükafatlandırılması mərasimi elan olunaraq qaliblər mükafatlandırıldılar.
Mükafatlandırma mərasimində çıxış edənlər Bakı şəhəri üzrə Təhsil idarəsinin müdir müavini Hüseyn əsgərov, Azərbaycan Rəssamlar ittifaqın Katibi, Xalq Rəssamı Ağaəli ibrahimov, FAB Boya və Kimya Sənayesi MMC- nin Təsisçisi Anar əliyev qalibləri təbrik edərək uğurlar dilədilər.
Daha sonra çıxış edən Binəqədi Rayon icra Hakimiyyətinin başçısı Xaləddin isgəndərov çıxışında qeyd etmişdir ki, milli qurtuluş fəlsəfəsi sözün geniş mənasında Azərbaycanın mövcudluğunu, onun ən böyük tarixi nailiyyəti olan müstəqilliyini təmin etdi. Xalqın təkidli tələbi ilə ikinci dəfə hakimiyyətə qayıdan Heydər əliyev iyunun 15-də Azərbaycan Ali Sovetinin sədri seçildi. Ulu Öndər böyük risklərə baxmayaraq, xalqın qurtuluşu missiyasını cəsarətlə öz üzərinə götürdü. Bununla da ölkədə uzun illər davam edən gərginlik və qarşıdurma səngidi, respublikamız vətəndaş müharibəsindən və parçalanma təhlükəsindən xilas oldu. Beləliklə, bu mühüm tarixi gün xalqımızın yaddaşına Milli Qurtuluş Günü kimi həkk olundu və 1997-ci ildən etibarən parlamentin qərarı ilə rəsmi bayram kimi qeyd olunur. O cümlədən, natiqlər çıxışlarında bildiriblər ki, Ümummilli lider Heydər əliyevin 1993-cü il iyunun 15-də Azərbaycanda hakimiyyətə qayıdışı dövlətçilik tariximizin şanlı səhifəsini təşkil edir. Qədirbilən xalqımız böyük xilaskarının xidmətlərini unutmur və 15 iyun - Milli Qurtuluş Gününü hər il yüksək əhval-ruhiyyə ilə qeyd edir.
Mükafatlandırma mərasimindən sonra tədbir bədii hissə ilə davam etdi.
Xalq artistləri Mənsum ibrahimov, Gülyaz Məmmədova , Gülyanaq Məmmədova, Elnarə Xəlilova, əməkdar artistlər ədalət şükürov, Səlim Abbasov, Lalə Məmmədova, müğənni Ramal israfilovun ifasında mahnılar səslənmiş, Binəqədi rayonu Müslüm Maqomayev adına 26 saylı onbirillik Uşaq Musiqi Məktəbinin "Fantaziya" skripkaçılar qrupu tərəfindən “Odlar Yurdu”, “Azərbaycan” mahnıları ifa edilmiş, Binəqədi rayonu 179 saylı orta məktəbin 2-ci sinif şagirdi Aysun əsgərova “Bayraqsızlar” şeiri səsləndirmişdir.
Daha sonra Bakı Humanitar Kollecin rəqs qrupu ifasında “Yallı” rəqsi nümayiş edilmişdir.
Tədbirin yekununda Azərbaycanın Xalq artisti Azər Zeynalovun ifasında “Azərbaycan” və “Azərbaycanım” mahnıları səslənmiş, səhnədə Qum üzərində rəsm nümayiş edilmiş və tədbirə atəşfəşanlıq ilə yekun vurulmuşdur.
Belediyye.info
