sorğu
Azərbaycanda bələdiyyələr fəaliyyətləri barədə mütəmadi olaraq seçicilərinə hesabat verməlidir. Qanunvericiliyin tələblərinə uyğun olaraq hər rübdə, yarımildə və ilin yekununda hesabat verməyə borcludurlar. Hətta fəaliyyətləri barədə inzibati binalarda asmağı zəruri hesab edilir.
Bəs bələdiyyələrin hesabatlığı Litva bələdiyyələrində necə təmin edilir?
Bu barədə Belediyye.infonun sualını Litvanın Trakay şəhər bələdiyyə şurasının üzvü Jelena Jocioniene cavablandırır.
Xanım Jelena Jocionienenin sözlərinə görə, ildə bir dəfə şəhər merinin və adminstrasiya rəhbərinin deputatlar şurasına hesabatı təqdim edilir:
“Qeyd edim ki, hesabat müzakirə edilən iclas internet vasitəsiylə canlı şəkildə nümayiş olunur. Müzakirələrdən əvvəl isə iclasın gündəliyi KiV-də və internet mediada dərc edilir, o cümlədən bələdiyyənin dörd komitəsində müzakirə edilir.
Litva bələdiyyələri üçün əsas tələb bütün fəaliyyətin açıqlanması hesab olunur. əsas tələb bir də odur ki, seçiciyə hansı yolla olursa-olsun məlumat və hesabat çatdırılsın. Burada materialın qəzet, internet və elektron mediada verilməsi tələbi qoyulmur. Ancaq ciddiyə alınmasa da sosial şəbəkədə çox geniş paylaşımlar edilir. Və sosial şəbəkədə müzakirələr müəyyən mənada ciddiyə alınır. Hər bir bələdiyyədə bələdiyyənin internet resursu vardır. Və bələdiyyə də məsul şəxslər bütün fəaliyyətin təbliğinə maraqlıdırlar görsənirlər.”
Belediyye.info
