sorğu
“izmit bələdiyyəsinin 37 üzvü var. Onlardan 21-ədalət və inkişaf Partiyasının, 16-sı Cumhuriyət Xalq Partiyasının üzvləridir”-bu fikirləri Belediyye.info saytına izmit Bələdiyyə sədri Nevzat Doğan bildirib. Bələdiyyə məclisində prinsipial məsələlərdə siyasi mənsubiyyətə görə fikir ayrılığı olmur.
Bələdiyyənin əsas maliyyə mənbəyi şəhərdə inşa edilən tikintilərə verilən icazələrdən və əmlak vergisindən daxil olur. Artıq tikintiylə bağlı edilən müraciətə bələdiyyədə üç gün ərzində cavab verilir. Beş il əvvəl bu cavabların verilməsi 45 gün çəkirdi.
Nevzat Doğannın sözlərinə görə, tikintiylə bağlı bütün sənədlər paketi təqdim edildikdən sonra müraciət bələdiyyədə qeydə alınır və məclsin iclasında müzakirə edildikdən sonra cavab verilir. Lakin tikintinin inşası başa çatdıqdan sonra bələdiyyə ikinci dəfə müraciət edilməlidir. Və bələdiyyə məclisi yenidən müraciətə baxır. Sahibkarın müraicəti məclis üzvlərini qane edərsə, təkilfə müsbət cavab verilir. Sədrin sözlərinə görə, hər iki halda bələdiyyəyə müəyyən rüsum ödənilməlidir. Məhz yerli büdcənin əsas maliyyə istiqaməti də bu tipli tikintilərin inşasına verilən razılıqlardan formalaşır.
Büdcəmiz il ərzində ortalama rəqəmlə 60 milyon ABş dolları həcmində olur. Bu vəsaitin yarısını bələdiyyə toplayır, yarısını isə dövlət büdcəsindən daxil olur. Dövlət tərəfindən ödənilən vəsait bələdiyyə ərazisində olan hüquqi şəxslərən yığılan vergilərin bir qismini təşkil edir.
Sədrin sözlərinə görə, əmlak vergisinin ödənişində ciddi problemlər yaşanmır. Sadəcə ödəniş səviyyəsi üç ildən bir dəyişə bilər. Belə ki, ərazidə olan mənzillərin orta bazar qiyməti qiymətləndirci şirkətlər tərəfindən müəyyən edildikdən sonra əmlak vergisnin həcmi dəyişə bilər.
Qeyd edək ki, ixtisasca uşaq həkimi olan Nevzat Doğan artıq ikinci dəfədir ki bələdiyyə sədri seçilib.
Belediyye.info
