sorğu
“Bələdiyyə qulluqçularının fəaliyyətlərini qiymətləndirmək, onlar üçün xüsusi bir günün “peşə bayramı” kimi qeyd edilməsi təklifini 2001-ci ildə bələdiyyə sistemi yeni fəaliyyətə başlayan zamanda Bərdə bələdiyyəsinin o zamanki rəhbərliyi tərəfindən də irəli sürülmüşdü”- bu sözləri Bərdə Bələdiyyəsinin sədri Sadiq Xəlilov “Bələdiyyələrin fəaliyyətinin təbliği” ictimai Birliyinin “Bələdiyyə qulluqçularının peşə bayramı” ilə əlaqədar ictimailəşdirdiyi məsələyə münasibət bildirirərkən deyib.
Sadiq Xəlilov hazırda ölkə bələdiyyələrinin yerli özünüidarəetmə orqanı olaraq öz hüquqlarını yerinə yetirən və öhdəsinə götürdüyü hər bir problemi layiqincə həll edən bir qurum olduğunu bildirib.
Bərdə şəhər və kənd əraziləri üzrə 66 bələdiyyənin fəaliyyət göstərdiyini və ümumilikdə 584 bələdiyyə üzvnün, 231 bələdiyyə qulluqçularının işlədiyini bildirən Sadiq Xəlilov “peşə bayramı” günün təsis olunmasının sistemdə çalışanların ruh yüksəkliyinə səbəb olacağını bildirib.
Sadiq Xəlilov daha sonra bildirib:
“Umummilli lider Heydər əliyevin təşəbbüsü sayəsində formalaşan bələdiyyə sisteminin fəaliyyəti bu gün cənab Prezident ilham əliyevin daim diqqətin mərkəzindədir. Məhz cənab prezidentin son illər bələdiyyə sahəsində qəbul etdiyi qərarlar nəticəsində bələdiyyə sistemində şəffaflıq prinsiplərinin qorunması, habelə bələdiyyələrdə nəğdsiz ödənşlərin tətbiqi nəticəsində bələdiyyə sistemində neqativ halların qarşısı alınıb. Bu addımlar bələdiyyələrin cəmiyyətdə nüfuzunda da müsbət edib.
Odur ki, belə bir məqamda peşə bayramı günün təsis edilməsi bələdiyyələrin fəaliyyətinə əlavə stimul verəcəyinə əminəm”
Belediyye.info
